*దేవనాథ  జీయర్ స్వామి పుష్కర చాతుర్మాస్య దీక్ష* 

*(DNS Report: Sairam CVS, राष्ट्रवादी पत्रकार, Visakhapatnam)*    

*విశాఖపట్నం, జులై 23, 2024 (డిఎన్ఎస్):* అపర రామానుజులు త్రిదండి చిన్న జీయర్ స్వామి శిష్యులు త్రిదండి దేవనాథ జీయర్ స్వామి నిర్వహణలో మంగళవారం అంకురారోపణ తో కోటి హవన క్రతువు ప్రారంభమయ్యింది. ఉత్తరాఖండ్

లోని బదరీ నాధ్ లోని శ్రీ అష్టాక్షరీ క్షేత్రం లో ఈ నెల 21 నుంచి దేవనాథ జీయర్ స్వామి చాతుర్మాస్య దీక్ష స్వీకరించారు. ఆషాఢ పౌర్ణమి నుంచి ప్రారంభమైన ఈ దీక్ష సెప్టెంబర్ 15 వరకూ ఉత్తరాఖండ్ లోని బదరీనాధ్ లో గల శ్రీ అష్టాక్షరీ క్షేత్రం లో జరుగనుంది. దేవనాథ జీయర్ స్వామి సన్యాస దీక్ష 12 ఏళ్ళు గడుస్తున్నా సందర్భంగా పుష్కర

చాతుర్మాస్య జరుగుతోంది. దీనిలో జప, తర్పణ, అర్చన, తదీయారాధనాత్మకంగా చతుర్వేద హవనం, శ్రీమదష్టాక్షరి మంత్రంతో కోటి హవనం క్రతువు నిర్వహిస్తున్నారు. 
  
బుధవారం అంకురారోపణ తో కోటి హవన క్రతువు కు శ్రీకారం జరిగింది. ఈ నెల 24 న జరిగే  అగ్నిప్రతిష్ఠ తో యాగం ఆరంభమవుతుంది. ఈ క్షేత్రంలో భక్తులను అనుగ్రహించేందుకు

త్రిదండి చిన్న జీయర్ స్వామి సెప్టెంబర్ 13 న బదరీనాధ్ కు విచ్చేయనున్నారు. మరునాడు 14 వ తేదీ ఉదయం తీర్ధ గోష్టి అనంతరం సమాశ్రయణములు అనుగ్రహించనున్నారు. 15 వ తేదీ చిన్న జీయర్ స్వామి ప్రత్యక్ష పర్యవేక్షణలో మహా పూర్ణాహుతి, శాంతి కళ్యాణం జరుగుతుంది. నూతన భవనానికి శంకుస్థాపన కూడా జరుగుతుంది. 
ఇతర వివరాలకు 6300668576, 9281079473, 8341435634 ,

9246165503 నెంబర్లలో  సంప్రదించవచ్చు.