*(DNS రిపోర్ట్ :  సత్య గణేష్ BVS , స్టాఫ్ రిపోర్టర్, విశాఖపట్నం)*  

*విశాఖపట్నం, డిసెంబర్ 10, 2020  (డి ఎన్ ఎస్):* ఉత్తరాంధ్ర ఇలవేల్పు సింహాచల క్షేత్రంలో వెలసిన శ్రీవరాహ లక్ష్మి నృసింహ స్వామి (సింహాద్రి అప్పన్న) అందమైన  పూలతోటలో గురువారం అమాత్యులు అలిగిన ఘటనతో ప్రజా ప్రతినిధులు, రాజగురువు మధ్య నెలకొన్న అంతరాలు

బహిర్గతం అయ్యాయి. గురువారం సింహాద్రినాధుని పూలతోలో దేవస్థానం ఏర్పాటు చేసిన కార్యక్రమంలో పాల్గొనేందుకు రాష్ట్ర మంత్రి ముత్తంశెట్టి శ్రీనివాస్, సహా అనకాపల్లి ఎమ్మెల్యే గుడివాడ అమర్ నాద్, అధికార పార్టీ రాజగురువులుగా ఉన్న ఒక చిన్న స్వామిజి ని, విశాఖ నగరంలోని ఒక నియోజక వర్గ ఇంచార్జి (అనధికారిక ఎమ్మెల్యే గా వ్యవహారం

లో ఉంది) ని కూడా ఆహ్వానించారు. అయితే నిర్వాహకుల అత్యుత్య్సహమో లేక, అతిధుల తొందరవల్ల నో మొక్కలు నాటే కార్యక్రమాన్ని మంత్రి ముత్తంశెట్టి రాకుండానే మొదలు పెట్టేసారు. దీంతో అమాత్యులకు అమాంతం అలకవచ్చి, తనకు ముఖ్యమంత్రి తో వీడియో సమావేశం ఉందంటూ అక్కడనుంచి, వెనక్కి వెళ్లిపోయారు. అయితే  రాష్ట్ర మంత్రి ని

ఆహ్వానించినప్పుడు ప్రోటోకాల్ పాటించకుండా ఇతరులకు ప్రాధాన్యం ఇస్తారా అంటూ కారుకూడా దిగకుండానే వెనుదిరిగినట్టు సమాచారం. అయితే గత కొంతకాలం గా అధికార పార్టీ నేతల్లో విభేదాలు రెండుగా చీలిపోయిన సభ్యుల మద్యం అంతరాలు అప్పన్న సాక్షిగా బహిర్గతం అయ్యాయి.