DNS Media | Latest News, Breaking News And Update In Telugu

11 న చిన్న జీయర్ స్వామి నిర్వహణలో భగవద్గీత పారాయణ

*డిసెంబర్ 7 నుంచి 11 వరకూ విశాఖ లో గీతా జయంతి వేడుకలు*   

*(DNS Report: Sairam CVS, राष्ट्रवादी पत्रकार, Visakhapatnam)*

విశాఖ పట్నం 30, నవంబర్ 2024 ( డి ఎన్ ఎస్) : మానవాళి మనుగడకి మార్గదర్శకంగా నిలిచిన శ్రీమద్భగవద్గీత శ్లోకాలను అపరరామానుజులు, త్రిదండి చిన్న జీయర్ స్వామి నిర్వహణలో సామూహిక పారాయణ విశాఖ వేదికగా జరుగనుంది.

డిసెంబర్ 11 వ తేదీన మార్గశిర శుద్ధ ఏకాదశి భగవద్గీత ఆవిర్భవించిన రోజు కావడంతో నగరంలోని వివిధ పాఠశాలలు, కళాశాలలకు చెందిన విద్యార్థులు ఈ కార్యక్రమం లో పాల్గొనున్నారు. ఇప్పడికే ఆయా పాఠశాలల చిన్నారులు ఒక్కో అధ్యాయాన్ని సునాయాసంగా చదివేలా క్షుణ్ణంగా నేర్చుకున్నారు. ఒక్కో పాఠశాలకు చెందిన 108 మంది చిన్నారులకు ఒక అధ్యాయం

కేటాయించడం జరిగింది. సాక్షాత్తు అపరరామానుజులుగా కొనియాడబడుతున్న చిన్న జీయర్ స్వామి సమక్షంలో వీరంతా ఆయా భగవద్గీత అధ్యాయం లోని శ్లోకాలను పఠనం చేయనున్నారు. 
విద్యార్థులకు ఒక మంచి సంస్కార జీవనాన్ని అందించాలని, ఉజ్వల భవిష్యత్ లభించాలని, మంచి సంకల్పంతో ఈ కార్యక్రమం నిర్వహిస్తున్నట్టు తెలుస్తోంది. భగవద్గీత మానవ

సమాజానికి ఒక మార్గదర్శిగా నిలుస్తోంది. మనిషి ఎలా నడుచుకోవాలి, క్లిష్ట పరిస్థితుల్లో ఎలా వ్యవహరించాలి, ఎలాంటి నిర్ణయాలు తీసుకోవాలి అనే ఎన్నో అంశాలు గీత లో భగవానుడు విశదీకరించారు. వాటిని ఆచరించడం ద్వారా మనిషి ఉత్తముడుగా తీర్చిదిద్దబడతారు. 

డిసెంబర్ 7 నుంచి 11 వరకూ విశాఖ పట్నం లోని  సీతమ్మధార లో గల వర్మ

కాంప్లెక్స్ ( పాత ఈనాడు ప్రాంగణం ) లో గీతా జయంతి వేడుకలు నిర్వహిస్తున్నట్టు నిర్వాహకులు తెలియచేస్తున్నారు. చిన్న జీయర్ స్వామి ప్రత్యక్ష పర్యవేక్షణలో ప్రతి రోజు తీర్ధ గోష్టి, ఉదయం, సాయంత్రం గీతా ప్రవచనం, మధ్యాహ్న వేళల్లో వివిధ సంస్థల విద్యార్థిని విద్యార్థులచే సాంస్కృతిక కార్యక్రమాలు జరుగనున్నాయి. డిసెంబర్ 8 న

అత్యంత విశేషంగా శ్రీరామ పాదుకా ఆరాధన మహోత్సవం జరుగనుంది. విద్యార్థులకు, ఉద్యోగులకు, మహిళలకు మంచి ఉజ్వల భవిష్యత్ రావాలి అనే సంకల్పంతో  ఐదు రోజుల పాటు ఈ వేడుకలు నిర్వహిస్తున్నట్టు నిర్వాహకులు తెలియచేస్తున్నారు  
నేత్ర విద్యాలయ విద్యార్థులచే సాంస్కృతిక ప్రదర్శనలు ఉంటాయని తెలియ చేశారు.  ప్రతిరోజూ ఉదయం

బాలభోగం ( అల్పాహారం ) , మధ్యాహ్నం తదీయారాధన. ఏర్పాటు చేశామన్నారు.  ఈ వేడుకల్లో విశాఖ వాసులు పెద్ద సంఖ్యలో పాల్గొనవలసింది గా అందరినీ ఆహ్వానిస్తున్నారు.

 

Recent News

Latest Job Notifications

Panchangam - Apr 4, 2025

Date :
Ruthuva Nakshatram
Week :
Masam Amrithakalam
Year :
Pakshamvarjam Samsthram
Ayanam :
Tithi Durumuhratam