*ఆంధ్ర ప్రదేశ్ రాష్ట్ర అధ్యక్షుని గా శ్రీనివాస్, కార్యదర్శిగా గోపి  ఎన్నిక.*

*(DNS Report: శాయిరాం CVS, राष्ट्रवादी पत्रकार, Visakhapatnam)*

విశాఖ పట్నం, జనవరి 24, 2025 (డి ఎన్ ఎస్): అఖిల భారత విద్యార్థి పరిషత్ ఆంధ్రా ప్రదేశ్ నూతన అధ్యక్షునిగా డా. నూజిళ్ల శ్రీనివాస్, కార్యదర్శి గా వై వెంకట గోపి ఏకగ్రీవంగా ఎన్నికయ్యారు.

విశాఖ పట్నంలో జరుగుతున్న ఎబివిపి 43 వ రాష్ట్ర సభల ప్రారంభానికి ముందుగా నూతన కమిటీ ఎన్నిక నిర్వహించారు. విశాఖ లో ఆంధ్రా విశ్వ కళా పరిషత్ మైదానంలో ఈ సభలు శుక్రవారం ప్రారంభమయ్యాయి. రాష్ట్ర సభల ప్రారంభానికి ముందే నూతన అధ్యక్ష, కార్యదర్శిల ఎన్నిక జరగడం అనవాయితీ. రాజమహేంద్ర వరం ప్రభుత్వ ఆర్ట్స్ కళాశాల లో ఇంగ్లీష్

అధ్యాపకునిగా నిర్వహిస్తున్న డాక్టర్ నూజిళ్ల శ్రీనివాస్ విద్యార్ది సంఘ్ అభ్యున్నతికి గత కొన్నేళ్లుగా కృషి చేస్తున్నారు. ఈయన జగ్గంపేట స్వగ్రామం వీరిది. ప్రకాశం జిల్లా కు చెందిన యాగంటి వెంకట గోపి, ప్రస్తుతం ఏబివిపి జాతీయ కార్యవర్గ సభ్యులు గా ఉన్నారు. విజయవాడ సిద్ధార్థ కళాశాల అధ్యక్షునిగా కూడా పని చేసారు. ఎంబీఏ

ద్వితీయ సంవత్సరం చదువుతున్నారు. వీరి ఎన్నిక ఏకగ్రీవంగా జరిగింది. 
అనంతరం రాష్ట్ర సభలు ప్రారంభమయ్యాయి.
ఈ సభల్లో కాంటినెంటల్ కాఫీ సంస్థ చైర్మన్ చల్లా రాజేంద్ర ప్రసాద్ ముఖ్య అతిథిగా  పాల్గొన్నారు. ఈ సభల్లో రాష్ట్రంలోని వివిధ జిల్లాల నుంచి సుమారు 1500 మంది  విద్యార్దులు పాల్గొన్నారు.