*(DNS రిపోర్ట్ :  పి. రాజా, బ్యూరో చీఫ్, అమరావతి)*  

*అమరావతి, జనవరి 21, 2021  (డి ఎన్ ఎస్):* నల్గొండ జిల్లాలోని పీఏపల్లి మండలం అంగడిపేట గ్రామం వద్ద జరిగిన రోడ్డు ప్రమాదంలో ఆరుగురు మృత్యువాత పడ్డారు. గురువారం సాయంత్రం జరిగిన ఈ ఘటనలో కూలీలతో వెళ్తున్న ఆటోను ఒక లారీ బలంగా ఢీకొట్టడంతో 14 మంది తీవ్ర గాయాలపాలవ్వగా,

ఆరుగురు అక్కడికక్కడే మృతి చెందారు. 
మృతుల సంఖ్య ఇంకా పెరిగే అవకాశం ఉంది.మృతులంతా దేవరకొండ మండలం చింతబావికి చెందిన వారుగా తెలుస్తుంది. రోజువారీ పనుల్లో భాగంగా 20 మంది కూలీ లు పిఏపల్లి మండలం రంగారెడ్డి గూడెం లో నాట్లు వేయడానికి వెళ్లి తిరిగి వస్తుండగా ఈ ప్రమాదం చోటుచేసుకుంది. ఆటోలో పరిమితి మించి ప్రయాణికులు

ఉండటం, ముందు వెళ్తున్న వాహనాన్ని ఓవర్ టెక్ చేసే క్రమంలో లారీ డీ కొట్టింది.  ఆటో డ్రైవర్ తో పాటు 5 గురు మహిళలు మృతి చెందారు. కాగా సమాచారం అందుకున్న పోలీసులు మృతదేహాలను మార్చురీకి తరలించి.. క్షతగాత్రులను సమీపంలోని ఆసుపత్రికి తరలించి చికిత్స అందిస్తున్నారు.