*(DNS Report : Sairam CVS, Bureau Chief,  Visakhapatnam)*

*విశాఖపట్నం, మార్చి 23, 2022 (డిఎన్ఎస్):* విశాఖ‌ప‌ట్నం నాటక రంగ అభిమానులకు ఎవివిఎస్‌ఎన్‌ మూర్తి అంటే తెలియక పోవచ్చు కానీ,  బాదంగీర్‌ సాయి అనగానే వెంటనే గుర్తు పడతారు. బాదంగీర్ డ్రింక్ అమ్మకాలు సాగించడం ద్వారా వచ్చిన ఆదాయాన్ని మొత్తం నాటకాల ప్రదర్శనకు ఖర్చు చేసిన నాటక రంగ

అభిమాని. అమ్మకాల ద్వారా ఆదాయం మిగలక పోయినా బాదంగీర్ సాయి అనే పేరు మాత్రం ప్రచారం లోకి వచ్చింది. విశాఖ నగరంలో సురభి నాటకోత్సవాలను నెలల తరబడి సొంత నిధులతో నిర్వహించిన   కళాభిమాని. 

నాట‌క‌రంగానికి గ‌త కొన్ని ద‌శాబ్ధాలుగా నిరుప‌మాన సేవ‌లందిస్తున్న సేవలకు గాను ఆయనకు ప్ర‌తిష్ఠాత్మ‌క వైశాఖీ

జీవ‌న సాఫ‌ల్య పుర‌స్కారం వ‌రించింది. అఖిల భార‌త శాస్త్రీయ నృత్యోత్స‌వాల నిర్వ‌హ‌ణ‌లో, జాతీయ‌, అంత‌ర్జాతీయ ఖ్యాతిగాంచిన నటరాజ్ మ్యూజిక్ అండ్ డాన్స్ అకాడమీ న‌గ‌రంలోని క‌ళాభార‌తి ఆడిటోరియంలో ఈ నెల 25, 26, 27 తేదీలలో నిర్వ‌హించ‌నున్న 13 వైశాఖి నృత్యోత్స‌వం-2022 సంద‌ర్భంగా నిర్వాహ‌కులు సాయికి ఈ

పురస్కారాన్ని అంద‌జేస్తారు.