*అనుమతి ఉన్నా ఆర్ఎస్ఎస్ సాంఘిక్ ను అడ్డుకున్నారు* 

*(DNS Report: Sairam CVS, राष्ट्रवादी पत्रकार, Visakhapatnam)*

విశాఖపట్నం, 01 అక్టోబర్, 2024 (డి ఎన్ ఎస్): కేరళ లో కమ్యూనిస్ట్ ల హిందువులపై కర్కశ పైత్యం పెచ్చుమీరిపోయింది అనడానికి మరొక నిదర్శనం కల్లికాడ్ పంచాయతీ ఘటన. కేరళ రాజధాని తిరువనంతపురం శివారు ప్రాంతం కలికాట్

పంచాయితీలో స్టేడియం వద్ద సెప్టెంబర్ 29 న సాంఘిక్ నిర్వహించేందుకు ఆర్  ఎస్ ఎస్ సభ్యులు పంచాయితీ అనుమతి పొందారు. అయితే కమ్యూనిస్ట్ ల ప్రభుత్వం కావడంతో ఆర్‌ఎస్‌ఎస్ స్వయంసేవకుల  సంఘీక్‌ ను నిలిపివేయాలని పోలీసులకు ఆదేశాలిచ్చేశారు. తమకు అనుమతి ఉందని, ఆర్ ఎస్ ఎస్ సభ్యులు చెప్పినా పోలీసులు వినకుండా భారీ బలగాలతో ఈ

సమావేశాన్ని అడ్డుకున్నారు. 

దీంతో ఆగ్రహించిన దానికి ప్రతిగా భారీ ఎత్తున స్వయంసేవకులు అదే రోడ్లపై  పథ సంచలనం నిర్వహించారు. స్టేడియం నుంచి కల్లిక్కట్ జంక్షన్ వరకూ మార్చ్‌ఫాస్ట్ చేసారు. పోలీసులు ఆ పథసంచలనానికి ముందూ వెనుకా వెంబడించారు. పథసంచలనం మొదలు పెట్టగానే వర్షం కూడా మొదలైంది. అయినా స్వయంసేవకులు

ఆగలేదు. సంఘానికే సాధ్యమైన క్రమశిక్షణతో పథసంచలనం కొనసాగించారు. దీంతో తప్పనిసరిగా వాళ్లకి పోలీసులు రక్షణ కల్పించవలసి వచ్చింది. 

కమ్యూనిస్ట్ ల పైత్యమే ఇది : .. 

తమ సమావేశం పట్ల పోలీసుల చర్యల వెనుక అధికార సిపిఎం, డివైఎఫ్ఐ హస్తం ఉందని ఆర్ఎస్ఎస్ కార్యకర్తలు ఆరోపించారు. పంచాయతీ కార్యదర్శి అనుమతి

ఉపసంహరించారని పోలీసులు చెప్పినప్పటికీ, నిజానికి అలాంటి సమాచారమేదీ స్వయంసేవకులకు అధికారికంగా అందలేదు. దాన్నిబట్టే, రాజకీయ నాయకులు చెప్పినట్లు పోలీసులు ఆడుతున్నారని ఇట్టే అర్ధమవుతోంది.

ఆర్ఎస్ఎస్ ఆవిర్భావ దినం విజయదశమి సందర్భంగా ఆ పండుగకు ముందు స్వయంసేవకులు ప్రతీ రాష్ట్రంలోనూ పలు కార్యక్రమాలు

నిర్వహించుకుంటారు. 
ఆర్ఎస్ఎస్ వ్యతిరేక ధోరణి కలిగిన కేరళ వామపక్ష ప్రభుత్వం సంఘం నిర్వహించుకునే ప్రతీ చిన్న కార్యక్రమాన్నీ అడ్డుకోడమే లక్ష్యంగా పెట్టుకుంది. సహనం, భావప్రకటనా స్వేచ్ఛ, సమానత్వం తమ సొత్తు అని కబుర్లు చెప్పే కమ్యూనిస్టు సర్కారు నిజానికి హిందూ వ్యతిరేక ధోరణితో, హిందూ సంస్థల కార్యక్రమాలను

అడ్డుకుంటూనే ఉంది.

సాంఘిక అంటే. .. 

సాంఘిక్ అంటే ఒక మండలం, తాలూకా, జిల్లా లేదా రాష్ట్ర స్థాయిలోని ఆర్ఎస్ఎస్ శాఖలు అన్నీ కలిసి ఏర్పాటు చేసుకునే సమావేశం.