*హై కోర్టు లో నర్సాపురం ఎంపీ రఘురామకృష్ణరాజు వ్యాజ్యం.* 

(DNS రిపోర్ట్ : సాయిరాం CVS. బ్యూరో, విశాఖపట్నం)*

*విశాఖపట్నం, జూలై 03, 2020 (డిఎన్ఎస్):* యువజన శ్రామిక రైతు కాంగ్రెస్ పార్టీ (వైకాపా ) ఇచ్చిన షోకాజ్‌ నోటీసులపై పశ్చిమ గోదావరి జిల్లా నర్సాపురం ఎంపీ రఘురామకృష్ణరాజు ఏపీ హైకోర్టులో పిటిషన్‌ దాఖలు

చేశారు.  తనపై అనర్హత వేటు, సస్పెన్షన్‌ చర్యలు అడ్డుకోవాలని పిటిషన్‌లో కోరారు. ‘‘ఎటువంటి పార్టీ వ్యతిరేక చర్యలకు పాల్పడలేదు. వైఎస్‌ఆర్‌ కాంగ్రెస్‌ లెటర్‌ హెడ్‌పై షోకాజ్‌ నోటీసులు ఇచ్చారు. యువజన శ్రామిక రైతు పార్టీ తరఫున షోకాజ్‌ నోటీసులు ఇవ్వలేదు’’ అని హైకోర్టుకు వేసిన పిటిషన్‌లో

రఘురామకృష్ణరాజు పేర్కొన్నారు. ప్రస్తుతం కరోనా దృష్ట్యా అత్యవసర కేసులు మాత్రమే హైకోర్టు విచారిస్తోంది. రఘురామకృష్ణరాజు పిటిషన్‌ను హైకోర్టు సోమవారం విచారించే అవకాశం ఉంది.