*సింహాచల దేవస్థానం లో పిఆర్ వ్యవస్థ కు శ్రీకారం*  

*(DNS రిపోర్ట్: సాయిరాం CVS, బ్యూరో చీఫ్, విశాఖపట్నం)*  

*విశాఖపట్నం, ఏప్రిల్ 12, 2021 (డిఎన్ఎస్):* శ్రీ వరాహ లక్ష్మి నృసింహ స్వామి క్షేత్ర సింహాచల వైభవాన్ని విశ్వ వ్యాప్తం గా విస్తరింప చేసే విధంగా ప్రసార మధ్యమ వ్యవస్థకు శ్రీకారం చుట్టినట్టు సింహాచలం

దేవస్థానం కార్యనిర్వహణాధికారి ఎంవి సూర్య కళ తెలిపారు. సోమవరం ఇద్దరు సిబ్బందిని తాత్కాలిక కాలపరిమితి లో తీసుకున్నట్టు తెలియచేసారు. ఒక సమాచార ప్రచార నిర్వాహకుడు ( పిఆర్ ఓ) గా లోకేష్, ఒక ఛాయాగ్రాహకుడు టెంటు శ్రీనివాస్ (ఫోటో గ్రాఫర్) లు సోమవారం నుంచి వీధుల్లో ఉంటారన్నారు. 

శ్రీ వరాహ లక్ష్మి నృసింహ స్వామి

క్షేత్ర సమాచారం నేరుగా ప్రసార మాధ్యమాలకు అందేవిధంగా వీరు పని చేస్తారన్నారు. సింహాచల దేవస్థానం ప్రతిష్టను దేశం నలుమూలల తెలియజేసే విధంగా చర్యలు తీసుకుంటున్నామని ఆమె పేర్కొన్నారు. కాంట్రాక్ట్ పద్ధతిలో పి ఆర్ ఓ కు నెలకు 50 వేలు, ఫోటోగ్రాఫర్ కు నెలకు 25 వేలు చెల్లిస్తామన్నారు. వీళ్ళ కాలపరిమితి ఒక సంవత్సరం ఆమె

తెలియజేశారు.

జాతీయ స్థాయి ప్రసార మాధ్యమాల్లో సేవలందించి లోకేష్ ను పిఆర్ ఓ గాను, గత కొన్నేళ్లుగా సింహాచల క్షేత్రానికి సామజిక మాధ్యమం ద్వారా సేవలందించిన శ్రీనివాస్ ను ఫోటోగ్రాఫర్ గాను నియమించారు.