*సింహగిరి క్షేత్రం పై కరోనా నిబంధనలు అమలు..*

*మంత్రి ముత్తంశెట్టి కప్పస్థంభం ఆలింగనం తర్వాత బంద్* 

*(DNS రిపోర్ట్: సాయిరాం CVS, బ్యూరో చీఫ్, విశాఖపట్నం)*  

*విశాఖపట్నం, ఏప్రిల్ 17, 2021 (డిఎన్ఎస్):* కరోనా రాక్షసుని రెండవ దశ విజృంభణ తో భక్తుల ఆరోగ్య రక్షణ కోసం శ్రీ వరాహ లక్ష్మి నృసింహస్వామి

దేవాలయం, సింహాచలం ఆలయ కార్యనిర్వహణాధికారి ఎంవి సూర్య కళ ఆదేశాల మేరకు సింహాచల క్షేత్రం ప్రధాన  దేవాలయంలో భక్తులకు కప్ప స్తంభం ఆలింగనాలు, తీర్ధ వితరణ కూడా రద్దు చేస్తున్నట్టు  ఆలయ అధికారులు తెలియచేసారు. ఈ నిబంధనలు శనివారం నుంచే అమలులోకి వస్తున్నట్టు  తెలిపారు.  

కాగా శుక్రవారం ఆంధ్రప్రదేశ్ లో 6096

కోవిడ్ -19 కేసులు, విశాఖపట్నంలో 489 కేసులు నమోదవ్వడంతో ఆలయ ఉన్నతాధికారులు ఈ నిర్ణయం తీసుకున్నారు. భక్తులందరూ సహకరించాలని విజ్ఞప్తి చేస్తున్నారు.  

రాష్ట్ర పర్యాటక శాఖా మంత్రి ముత్తంశెట్టి శ్రీనివాస్ శనివారం వరాహ స్వామి ని దర్శనం చేసుకుని కప్ప స్థంభం ఆలింగనం చేసుకున్నారు. అనంతరం ఆలయ అధికారులు కప్ప స్తంభం

ఆలింగనం పై నిషేధం విధించడం గమనార్హం.