*(DNS రిపోర్ట్: సాయిరాం CVS,  బ్యూరో చీఫ్, విశాఖపట్నం)*  

*విశాఖపట్నం, మే 25, 2022 (డిఎన్ఎస్):* గిరిజన విద్యార్థినీ విద్యార్థులకు పాలిసెట్ - 2022 ప్రవేశ పరీక్షలో అర్హత సాధించేందుకు 10 రోజులు ప్రత్యేక శిక్షణ అందింస్తున్నట్టు చింతపల్లి, అల్లూరి సీతారామరాజు జిల్లా. అదనపు ఎస్పీ తుషార్ డుడి తెలియచేసారు. కమ్యూనిటీ

పోలీసింగ్ లో భాగంగా ప్రేరణ 2022 లో భాగంగా బుధవారం గిరిజన విద్యార్థులకు సాంకేతిక విద్యను అందించాలనే లక్ష్యంతో అల్లూరి సీతారామరాజు జిల్లా ఎస్పీ ఎస్.సతీష్ కుమార్ ఆదేశాల మేరకు, ఐ.టి.డి.ఎ పి.వో. గోపాలకృష్ణ సహకారంతో ఈ shibiram నిర్వహిస్తున్నట్టు తెలిపారు. చింతపల్లి పోలీసు శాఖ అధికారులైన సిఐ. టీ శ్రీను, ఎస్.ఐ మొహమ్మద్ అలీ ల

ఆధ్వర్యంలో చింతపల్లి స్థానిక వై.టి.సి.లో 10వ తరగతి ఉత్తీర్ణులైన గిరిజన విద్యార్థినీ విద్యార్థులకు పాలిసెట్-2022 ప్రవేశ పరీక్ష లో అర్హత సాధించేందుకు 10 రోజులు ప్రత్యేక శిక్షణ ఇవ్వడం జరుగుతుందన్నారు.

కొయ్యూరు, జీకే.వీధి, చింతపల్లి, జి.మాడుగుల మండలాలకు చెందిన గిరిజన విద్యార్థులు 800 మందికి మోడల్ పరీక్ష

నిర్వహించగా అందులో 250 మంది అర్హత సాధించారు. వీరిలో 150 మందికి చింతపల్లి వై.టి.సి నందు ఉచిత భోజన వసతి కల్పిస్తూ ప్రశాంతి పాలిటెక్నిక్ కళాశాల అచ్యుతాపురం, రిసోర్స్ పర్సన్స్ సహకారంతో శిక్షణ ఇవ్వడం జరుగుతుంది.

ఈరోజు అదనపు ఎస్పీ చింతపల్లి విద్యార్థులతో మమేకమై విద్యార్థులలో ప్రేరణను పెంపొందించడానికి కోసం

ఇన్స్పిరేషన్ క్లాస్ తీసుకున్నారు. ప్రతిరోజూ చింతపల్లి ఇన్‌స్పెక్టర్‌, సబ్‌ ఇన్‌స్పెక్టర లు విద్యార్థులతో మమేకమవుతు విద్యార్థుల్లో ఏకాగ్రత మరియు ప్రేరణ పెంపొందించేందుకు క్లాస్  తీసుకుంటున్నారు.

పోలీసు శాఖా ద్వారా పాలిసెట్ ప్రవేశ పరీక్షకు దరఖాస్తు చేయించిన 250 మంది విద్యార్థినీ విద్యార్థులకు

హల్ టికెట్లు డౌన్లోడ్ చేసి మహిళ పోలీసుల ద్వారా విద్యార్థులకు అందజేయడం జరుగుతుంది. 28 వ తేదిన చింతపల్లి వై.టి.సి నందు హల్ టికెట్లు తీసుకున్న విద్యార్థులు హాజరుకావలెను. 29 వ తేదిన జరిగే ప్రవేశ పరీక్షకు చింతపల్లి నుండి నర్సీపట్నం పరీక్ష కేంద్రం వరకు చింతపల్లి పోలీసు శాఖ ఉచిత బస్సుల సౌకర్యం కల్పించడం జరిగింది.

విద్యార్థులు పరీక్ష అనంతరం అదే బస్సుల్లో చింతపల్లికి తీసుకు రావడం జరుగుతుంది.

ప్రేరణ 2019 లో నాటి చింతపల్లి ఏఎస్పీ ప్రస్తుత అల్లూరి జిల్లా ఎస్పీ గా పనిచేస్తున్న శ్రీ. ఎస్.సతీష్ కుమార్ గారు ప్రేరణ కార్యక్రమాన్ని ప్రారంభించారు. నాడు 2019 లో ప్రేరణ ప్రశాంతి కాలేజ్ లో ప్రవేశాలు పొందిన 84 మంది డిప్లొమా ఫైనల్

సెమిస్టర్ లో ఉండగా 22 మందికి క్యాంపస్ ఇంటర్వ్యూలో Dixon, Rana, Kia వంటి కంపనీలో ఉద్యోగాలు లభించాయి. 

ప్రస్తుతానికి ప్రేరణ 2019, 2020, 2021 లో అర్హత సాధించిన 250 మంది ఉచిత పాలిటెక్నిక్ శిక్షణ అభ్యసిస్తున్నారు. వీరిలో NCC, నేషనల్ యూత్ ఎక్సేంజ్ ప్రోగ్రామ్ మరియు జాతీయ స్థాయి క్రీడా కార్యక్రమంలో పాల్గోంటున్నారు.