*(DNS report: P Raja, Bureau chief, Amaravati)*  

*అమరావతి: జూన్  08, 2022 (డిఎన్ఎస్):* బీజేపీ ఏపీ రాష్ట్ర అధ్యక్షులు సోము వీర్రాజు కాన్వాయ్ ని జొన్నడా జంక్షన్ వద్ద పోలీసులు కావాలని అడ్డుకోవడం తో అయన తీవ్ర ఆగ్రహాన్ని వ్యక్తం చేసారు. వాహనం ఎందుకు ఆపుతున్నారని అడిగితే కారణం చెప్పలేక పోతున్నపోలీసులు పై మండిపడ్డారు. వ్యక్తిగత స్వేచ్ఛను

హరించే హక్కు మీకు ఎవరిచ్చారు? కార్యకర్త కుటుంబాన్ని పరామర్శిస్తుంటే అడుగడుగునా ఆంక్షలు పెట్టడం ఏంటని ప్రశ్నించారు. 
వైసిపి ప్రభుత్వం పోలీసులను అడ్డుపెట్టి అపాలనుకోవడం దిక్కుమాలిన చర్య. గోదావరి గర్జన విజయవంతం కావడంతో ..అధికార పార్టీ భయంతో నే కావాలని చేస్తున్నారన్నారు. పోలీసు భద్రత మధ్య రాష్ట్రాన్ని ఎంతకాలం

పాలిస్తారన్నారు. పార్టీ కార్యక్రమాలకు దూరంగా ఉన్నామని ఉద్రిక్త పరిస్థితులను నిర్మాణం చేయదలచుకోలేదని ఎస్పీ స్థాయి అధికారికి వివరణ ఇచ్చిన తర్వాత కూడా ఈ ఆంక్షలెందుకు? పోలీసు శాఖ ద్వారా ఈ దుందుడుకు చర్యలు మీ ప్రభుత్వం పాలన, అసమర్ధతను బయటపెడుతున్నాయన్నారు.  రాష్ట్రంలో ఏ క్షణంలో ఏం జరుగుతుందో ప్రభుత్వ నిఘా

వర్గాలకు కూడా తెలియని స్థాయికి రాష్ట్ర పాలన దిగజారిందనే విషయాన్ని మీ చర్యలు అద్దం పడుతున్నాయన్నారు. మా కాన్వాయ్ కి అడ్డుగా ప్రైవేటు వాహనాలు ఎలా నిలుపుతారు ముఖ్యమంత్రి జగన్ సమాధానం చెప్పాలని సోము వీర్రాజు డిమాండ్ చేశారు.