జిల్లా ఎస్పీ భూసారపు సత్య ఏసుబాబు

అమర వీరుల కుటుంబాలతో ఎస్పీ సమావేశం 

(DNS రిపోర్ట్: M. మనోహర్, Spl కరస్పాండెంట్ అనంతపురం). . .

అనంతపురం, సెప్టెంబర్ 26, 2019

(డిఎన్‌ఎస్‌) : అనంతపురం జిల్లాలో పోలీసు ఉద్యోగంలో ఉంటూ వివిధ కారణాలుతో చనిపోయిన పోలీసు సిబ్బందికి అందాల్సిన ప్రయోజనాలను à°ˆ అక్టోబర్ 21 అమర వీరుల సంస్మరణ

దినోత్సవంలోగా పరిష్కరించాలని జిల్లా ఎస్పీ భూసారపు సత్య ఏసుబాబు ఆదేశాలు జారీ చేశారు. పోలీసు సంక్షేమ చర్యల్లో భాగంగా ఆయన గత ఏడాది అక్టోబర్ 21 వ తేదీ నుండీ

జిల్లాలో చనిపోయిన పోలీసు సిబ్బంది కుటుంబాలతో గురువారం స్థానిక పోలీసు కాన్ఫరెన్స్ హాలులో సమావేశమయ్యారు. గత ఏడాది అక్టోబర్ 21 వ తేదీ నుండీ ఇప్పటి వరకు రోడ్డు

ప్రమాదాలు, అనారోగ్య పరిస్థితులు, తదితర కారణాలుతో 12 మంది పోలీసు సిబ్బంది చనిపోయారు. మృతి చెందిన ఎస్ .ఐ నౌషద్ వలీ, కానిస్టేబుల్ మధుబాబు, ఆదిశేషు, రమేష్ బాబు, నాగరాజు,

రవిశంకర్ ,తిప్పేస్వామి, ప్రభాకర్ రెడ్డి, మల్లేశ్వరయ్య కుటుంబ సభ్యులు ఈ సమావేశానికి విచ్చేయగా వీరితో ఎస్పీ ముఖాముఖి నిర్వహించారు. కుటుంబ సభ్యుల క్షేమ

సమాచారాలుతో పాటు ప్రభుత్వం నుండీ అందాల్సిన పెన్సన్ , జి.పి.ఎఫ్ , జి.ఎ.ఎస్ , సి.ఎస్ .ఎఫ్ , ఎ.పి.జి.ఎల్ .ఐ, భద్రత, కార్పస్ ఫండ్ , లీవ్ శ్యాలరీ, తదితర ప్రయోజనాలు అందాయా లేదా అంటూ

అడిగి తెలుసుకున్నారు. ఇంకా ఏవైనా పెండింగులో ఉంటే అమర వీరుల సంస్మరణ దినోత్సవం లోపు పరిష్కరించాలని జిల్లా పోలీసు కార్యాలయం పరిపాలనా అధికారి మరియు

సిబ్బందిని ఆదేశించారు. వీటితో పాటు కారుణ్య నియామకం కోసం అభ్యర్థించిన దరఖాస్తులు, వాటి స్థితిగతులపై చర్చించారు. ఇవేకాకుండా ఏవైనా ఇతర సమస్యలున్నా తన

దృష్టికి తీసుకొస్తే వాటి పరిష్కారానాకి కృషి చేస్తానని ఎస్పీ భరోసా ఇచ్చారు.ఈకార్యక్రమంలో అదనపు ఎస్పీ కె చౌడేశ్వరి, ఏ.ఆర్ డీఎస్పీ ఎన్ మురళీధర్ , ఆర్ ఐ

ఆనందరెడ్డి, జిల్లా పోలీసు అధికారుల సంఘం అడహక్ కమిటీ సభ్యులు సాకే త్రిలోక్ నాథ్ , జాఫర్ , సుధాకర్ రెడ్డి, గాండ్ల హరినాథ్ , శివారెడ్డి, జిల్లా పోలీసు

పరిపాలనాధికారి శంకర్ , వివిధ విభాగాల సూపరింటెండెంట్లు, సిబ్బంది, పోలీసు మృతుల కుటుంబాల సభ్యులు, తదితరులు పాల్గొన్నారు.