విశాఖపట్నం, జూన్  21  2018 ( DNS Online ): ప్రమాదం జరిగిన సమయాల్లో తీసుకోవాల్సిన జాగ్రత్తలు, చేపట్టవలసిన చర్యలను మాక్ రెస్క్యూ సాధన ద్వారా చేసి చూపించారు ఈస్ట్ కోస్ట్

రైల్వే సివిల్ డిఫెన్సె సిబ్బంది. గురువారం సాయంత్రం విశాఖపట్నం రైల్వే స్టేషన్ లో జరిగిన ఈ ప్రదర్శన ద్వారా రైల్వే ప్రయాణీకుల్లో అవగాహనా, రైల్వే సిబ్బంది లో

అప్రమత్తత కొరకు సివిల్ డిఫెన్సె సిబ్బంది తో కలిసి ఈస్ట్ కోస్ట్ రైల్వే రక్షణ సిబ్బంది నిర్వహించినట్టు తెలిపారు. రైల్వే స్టేషన్ ప్రధాన టికెట్లు విక్రయ

కేంద్రం వద్ద జరిగిన మాక్ ప్రదర్శనలో ఎప్పుడైనా అగ్నిప్రమాదం జరిగినట్లయితే ఏ విధంగా ప్రయాణీకులను రక్షించాలి అనే అంశాన్ని ప్రత్యక్షంగా నిర్వహించి

చూపించారు. నిచ్చెన ల ద్వారా అగ్ని ప్రమాదం లో రైలు లో ఉన్న వారిని ఏ విధంగా సురక్షితంగా రక్షించాలి అనే అంశం చేసి చూపించారు. అనంతరం ప్రయాణీకులకు సురక్షిత

ఏర్పాట్లపై అవగాహన కల్పించారు. ఈ కార్యక్రమానికి ముఖ్య అతిధిగా విశాఖపట్నం డివిజినల్ రైల్వే మేనేజర్ ముకుల్ శరన్ మాధుర్, అదనపు డివిజినల్ రైల్వే మేనేజర్ కె.

ధనుంజయ్ రావు ఈ కార్యాచరణను పర్యవేక్షించినట్టు నిర్వాహకులు తెలిపారు. ఈ మాక్ ప్రదర్శన లో ఈస్ట్ కోస్ట్ రైల్వే రక్షణ విభాగం సిబ్బంది పాల్గొన్నారు.

For more details Click Here. All Copy Rights Reserved with DNS Media.