*(DNS రిపోర్ట్ : సత్య గణేష్, రిపోర్టర్, విశాఖపట్నం)*

*విశాఖపట్నం,  జూన్  15, 2020 (డిఎన్ఎస్):* సాంకేతిక పరిజ్ఞానం పూర్తి స్థాయి లో వినియోగించి, జిల్లా వ్యాప్తంగా పటిష్టత, భద్రత కల్పించే విధంగా కృషి చేస్తామని విశాఖ జిల్లా నూతన ఎస్పీ బి. కృష్ణారావు తెలిపారు. సోమవారం గత ఎస్పీ అట్టాడ బాపూజీ నుంచి భాద్యతలు

స్వీకరించిన అనంతరం అయన విలేకరుల సమావేశంలో మాట్లాడారు. విశాఖ జిల్లా పై తనకు అవగాహనా ఉందని, ప్రధానంగా గ్రామీణ ప్రాంతాల్లో పోలీస్ యంత్రాగం పట్ల మరింత గౌరవం, నమ్మకం కలిగే విధంగా పోలీసు యంత్రాగాన్ని నడిపిస్తానన్నారు. గతం లో పరిష్కారం కాకుండా ఉండిపోయిన ఫిర్యాదులకు సత్వర పరిష్కారం లభించే విధంగా సాంకేతిక

పరిజ్ఞానాన్ని అందుబాటులోకి తీసుకు రానున్నట్టు తెలిపారు. 

అంతకు ముందు కార్యాలయంలోకి ప్రవేశించిన వెంటనే పోలీస్ సిబ్బంది అధికారిక గౌరవ వందనం సమర్పించారు. అనంతరం హైందవ సంప్రదాయం ప్రకారం సమీప ఆలయ అర్చకులు నూతన ఎస్పీ కి పూర్ణ కుంభం తో స్వాగతం పలికి వేదమంత్రోచ్చారణ తో కార్యాలయం లోనికి ఆహ్వానించారు. తదుపరి

అయన భాద్యతలను స్వీకరించారు. వేదపండితులు ఆశీర్వచనం పలికారు. ఈ కార్యక్రమం లో విశాఖ జిల్లా ఎస్పీ కార్యాలయ సిబ్బంది పాల్గొన్నారు. 
అనంతరం ఎస్పీ బి. కృష్ణారావు విశాఖ రేంజ్ డిఐజి రంగారావు ను, విశాఖ నగర పోలీస్ కమిషనర్ ఆర్ కె మీనాలను మర్యాద పూర్వకంగా కలిశారు.