*డిఎమ్ సస్పెండ్, వెంటనే అరెస్ట్ చేసిన పోలీసులు,*

వెంటనే స్పందించిన పోలీసులకు డిజిపి అభినందన

*(DNS రిపోర్ట్ : రాజా. పి, బ్యూరో, అమరావతి)*

*అమరావతి,  జూన్  30, 2020 (డిఎన్ఎస్):* ఆంధ్ర ప్రదేశ్ నెల్లూరు లోని పర్యాటక శాఖా కార్యాలయం ఒక మహిళా ఉద్యోగినిపై డిప్యూటీ మేనేజర్ భాస్కర్ దాడి ఘటనపై రాష్ట్ర

పర్యాటక శాఖామంత్రి ముత్తంశెట్టి శ్రీనివాస్ మండిపడ్డారు. వెంటనే భాస్కర్ ను సస్పెండ్ చేయవలసిందిగా అధికారులకు ఆదేశాలు జారీ చేసారు. శనివారం జరిగిన ఈ ఘటన సిసి టివి ఫుటేజ్ ఆధారంగా సోషల్ మీడియా లో రావడంతో పాటు, పలు మీడియా ఛానెళ్లలో వార్తలు రావడంతో దీనిపై చర్యలకు ఆదేశించారు. బాధితురాలు దివ్యాంగురాలు కూడా కావడం

గమనార్హం. ఈ దాడి చేసిన వ్యక్తిని నెల్లూరు పోలీసులు అరెస్టు చేసి దిశా చట్టం ప్రకారం కేసు పెట్టి విచారిస్తున్నారు. వెంటనే స్పందించిన నెల్లూరు పోలీసులను రాష్ట్ర డిజిపి గౌతమ్ సవాంగ్ అభినందించారు.  ఈ ఘటనపై సత్వరమే స్పందించి, తగిన చర్యలు తీసుకున్నారంటూ నెల్లూరు జిల్లా ఎస్పీ భాస్కర్ భూషణ్ ను ప్రశంసించారు. అంతేకాదు, ఈ

కేసును దిశా పోలీస్ స్టేషన్ కు అప్పగించాలని, వారం రోజుల్లో చార్జిషీట్ దాఖలు చేయాలని ఎస్పీని ఆదేశించారు.

మాస్క్ వేసుకో మని అడిగినందుకు . . .

నెల్లూరు జిల్లా టూరిజం శాఖ కార్యాలయంలో అందరూ మాస్క్ ధరించాలని కోరినందుకు ఒక కాంట్రాక్టు ఉద్యోగిని ఉషారాణి పై  డిప్యూటీ మేనేజర్ భాస్కర్ పైశాచికంగా రాడ్ తో

దాడి చేసిన వీడియో దృశ్యాలు సోషల్ మీడియా లో రావడంతో యంత్రాంగం వెంటనే కదిలింది.