*(DNS రిపోర్ట్ : రాజా. పి, బ్యూరో, అమరావతి)*

*అమరావతి,  జూన్  30, 2020 (డిఎన్ఎస్):* నెల్లూరు ఏపీ టూరిజం హోటల్ లో వికలాంగ మహిళపై డిప్యూటీ మేనేజర్ భాస్కర్ దాడి చేసిన ఘటనలో నిందితుడిపై నిర్భయ చట్టం కింద కేసు నమోదు చేశామని నగర డీఎస్పీ శ్రీనివాసులురెడ్డి తెలిపారు. స్థానిక నాలుగవ పట్టణ పోలీస్ స్టేషన్లో మంగళవారం

ఏర్పాటు చేసిన విలేకరుల సమావేశంలో ఆయన మాట్లాడుతూ నిందితుడికి కరోనా టెస్ట్ చేయించామని, రిమాండ్ కి పంపిస్తున్నట్టు చెప్పారు. ఈ నెల 27న బాధితురాలు ఉషారాణి తనపై దాడి చేశారని ఫిర్యాదు చేసిన వెంటనే కేసు నమోదు చేశామన్నారు.ఆ తర్వాత సీసీ టీవీ ఫుటేజీ తీసుకుని దర్యాప్తు ప్రారంభించామని తెలిపారు. ఏపీ టూరిజం హోటల్ డిప్యూటీ

మేనేజర్ భాస్కర్ వికలాంగ మహిళ పై దాడి చేసిన విజువల్స్ స్పష్టంగా ఉన్నాయన్నారు. దివ్యాంగురాలు అని చూడకుండా దాడి చేయడం బాధాకరమన్నారు. నిందితులపై కఠిన సెక్షన్స్  నమోదు చేశామన్నారు. ఈ సమావేశంలో దర్గామిట్ట సీఐ నాగేశ్వరమ్మ తదితరులు పాల్గొన్నారు