*అరసవెల్లి అదిత్యునికి  వైభవంగా క్షీరాభిషేకం*

*(DNS రిపోర్ట్ : ఆచార్యులు ఎస్ వి. బ్యూరో, శ్రీకాకుళం)*

*శ్రీకాకుళం, జూలై 16, 2020 (డిఎన్ఎస్):* శ్రీకాకుళం జిల్లా అరసవెల్లి లో వేంచేసి యున్న ప్రత్యక్ష దైవం ఆరోగ్య ప్రదాత శ్రీ సూర్యనారాయణ స్వామి వారికి ఆషాడ బహుళ ఏకాదశి సందర్భంగా నేటి ఉదయం  వైభవంగా

క్షీరాభిషేకం జరిగింది. ఆలయ ప్రధాన అర్చకులు ఇప్పిలి శంకర శర్మ  ఆధ్వర్యంలో ని అర్చక, వైదిక బృందం  ఉదయం నాలుగు గంటలకు స్వామివారికి అభిషేకం జరిపారు. పాలు, పెరుగు, తేనె, పంచదార, నెయ్యి, పంచామృతాలు, సుగంధ ద్రవ్యాలతో స్వామివారికి క్షీరాభిషేకం వైభవంగా నిర్వహించారు. ఈ సందర్భంగా  ఆలయ ప్రధాన గౌరవఅర్చకులు ఇప్పిలి శంకర శర్మ

 మాట్లాడుతూ కర్కాటక సంక్రమణం (దక్షిణాయన పుణ్యకాలం) ఆషాడ బహుళ ఏకాదశి సందర్భంగా స్వామివారికి అభిషేకం నిర్వహించటం జరిగిందన్నారు. అలాగే సహాయ కమీషనరు మరియు కార్యనిర్వహణాధికారి వి. హరి సూర్య ప్రకాష్ మాట్లాడుతూ కేంద్ర రాష్ట్ర ప్రభుత్వాల ఆదేశాల మేరకు ఈరోజు జరిగిన సేవకు భక్తులు ఎవరినీ అనుమతించలేదన్నారు.