*రాజమండ్రి లో ఏలూరు డిఐజి మోహన్ రావు వెల్లడి* 

*DNS రిపోర్ట్ : రాజా. పి, బ్యూరో చీఫ్, అమరావతి)*

*అమరావతి, జూలై 22, 2020 (డిఎన్ఎస్):*తూర్పుగోదావరి జిల్లా సీతానగరం పిఎస్ లో దళిత యువకుడ్ని  శిరోముండనం చేసిన ఘటనపై వాస్తవలపై పూర్తి విచారణ చేస్తామని, ఏలూరు రేంజ్ డిఐజి కెవి మోహనరావు తెలిపారు. బుధవారం

రాజమహేంద్రవరం లో నిర్వహించిన విలేకసరుల సమావేశంలో ఆయన మాట్లాడుతూ సీతానగరం పిఎస్ లో 19వ తేదీన  కేసు నమోదు అయిందన్నారు. ట్రైనీ ఎస్సై షేక్ ఫిరోజ్ షా దళిత యువకుడు ప్రసాద్ ని విచారణకు పిలిచాడని, తలవెంట్రుకలు, మీసాలు తొలగించి అమానుషంగా ప్రవర్తించారన్నారు. దీన్ని తీవ్రంగా తోసుకుని ఇప్పటికే సస్పెండ్ చేసాం అని తెలిపారు.

ఎస్ఐ పై క్రిమినల్ , ఎస్సి ఎస్టీ అత్యాచార చట్టం క్రింద కేసు నమోదు చేసామన్నారు. చట్టం అనేది పోలీసులకు, ప్రజలకు సమానంగా ఉండాలన్నారు. సీనియర్ డిఎస్పీ ని కేసు కు విచారణ అధికారిగా నియమించామని తెలిపారు. దీనిలో ఎలాంటి రాజకీయ ఒత్తిడి లేదన్నారు. విచారణ క్రిమినల్ కేసు గానే సాగుతుదన్నారు.