*(DNS రిపోర్ట్ : ఆచార్యులు ఎస్ వి. బ్యూరో, శ్రీకాకుళం)*

*శ్రీకాకుళం,  ఆగస్టు 27, 2020 (డిఎన్ఎస్):* ఇంటింటి సర్వేలో కరోనా వ్యాధి లక్షణాల వ్యక్తులను గుర్తించాల్సిందేనని శ్రీకాకుళం జిల్లా కలెక్టర్ జె నివాస్ అన్నారు. బలగ, ఆదివారం పేట వార్డు సచివాలయాల పరిధిలో సప్త వార ప్రక్రియ కార్యక్రమాన్ని జిల్లా కలెక్టర్ నివాస్

గురు వారం పరిశీలించారు. ప్రతి ఇంటిని సర్వే చేపట్టాలని ఆయన అన్నారు. కరోనా లక్షణాలు గల ఏ ఒక్క వ్యక్తి ఉన్నా గుర్తించాలని ఆయన స్పష్టం చేసారు. ఇతర దీర్ఘకాలిక వ్యాధులతో బాధపడుతున్న వారిని గుర్తించాలన్నారు. 50 ఏళ్ళకు పైబడిన వయస్సుగల వారిలో వైరస్ లక్షణాలు ఉన్నవారిని కూడా గుర్తించాలని సూచించారు. పాజిటివ్ కేసులు వచ్చిన

ప్రాంతాల్లో కంటైన్మెంటు జోన్లను ఏర్పాటు చేయాలన్నారు. కోవిడ్ నమూనాల సేకరణ, పాజిటివ్ కేసుల వివరాలు, కంటైన్మెంటుజోన్ల వివరాలను అడిగి తెలుసుకున్నారు. 
    ఈ కార్యక్రమంలో ప్రత్యేక అధికారులు టి.వేణుగోపాల్, టి.వి.వి. ప్రసాద్ తదితరులు పాల్గొన్నారు.