*రాజమండ్రి గోదావరి బ్రిడ్జీ పై ఆమె వాహనం లభ్యం. .*

*రాజమండ్రి ఆర్ జె సి కార్యాలయం ఉద్యోగిగా గుర్తింపు*

*ఆర్ధిక ఇబ్బందులే కారణంగా మొదలైన పొలిసు దర్యాప్తు*  

*DNS రిపోర్ట్ : రాజా. పి, బ్యూరో చీఫ్, అమరావతి)*

*అమరావతి, సెప్టెంబర్ 04, 2020 (డిఎన్ఎస్):* రాజమండ్రి దేవాదాయ ధర్మాదాయ శాఖ అవుట్

సోర్సింగ్ ఉద్యోగిని గల్లంతు అయిన ఘటన పై కలకలం రేగింది. శుక్రవారం మధ్యాహ్నం 3 గంటల  ప్రాంతంలో ఆమె ద్విఇచక్రవాహనం రాజమహేంద్రవరం రోడ్ కం రైలు బ్రిడ్జి పై లభించడంతో గోదావరి లో దూకినట్టుగా అనుమానిస్తున్నారు. ఆమె ఆచూకీ పై పోలీసులు విచారణ చేస్తున్నారు. అయితే  రాజమండ్రి రోడ్ కం రైలు బ్రిడ్జి నుంచి గోదావరిలోకి దూకి

ఆత్మహత్యకు పాల్పడ్డట్టు గా రాజమండ్రి రెండవ పట్టణ పోలీసులు అనుమానం వ్యక్తం చేస్తున్నారు. వివరాల ప్రకారం రాజమండ్రి దేవాదాయ ధర్మాదాయ శాఖకు చెందిన ఆర్ జె సి కార్యాలయం లో గత మూడు సంవత్సరములు గా ఉద్యోగం చేస్తున్న 32 సంవత్సరాల మహిళా శుక్రవారం మధ్యాహ్నం నుంచి కనపడక పోవడంతో వెతుకులాట చేపట్టారు.  

ఒకవేళ

గోదావరి లో దూకినట్టయితే అఘాయిత్యాలకు కారణాలు ఆర్ధిక ఇబ్బందులే అయి ఉండవచ్చు అనే కోణం లో విచారిస్తున్నారు. గత నాలుగు నెలలుగా కరోనా కష్టకాలం లో మరింత ఇబ్బంది కల్గి ఉండవచు అనే అంశం కూడా లేకపోలేదు. .

గోదావరి వరదలతో ఉండటంతో నీటి ప్రవాహం చాలా స్పీడ్ గా ఉందని పోలీసులు చెప్పారు గల్లంతైన ఈ మహిళా కోసం పోలీసులు

గాలింపు చర్యలు ప్రారంభించారు గోదావరి బ్రిడ్జి మీద ఆమె వదిలివేసిన ఆకుపచ్చ రంగు స్కూటీ వాహనం లభించింది.