*చిన్న జీయర్ స్వామి జన్మదిన ఉత్సవాల్లో వేద వైభవం*

*(DNS రిపోర్ట్ :  సాయిరాం CVS ,  బ్యూరో చీఫ్, విశాఖపట్నం)*  

*విశాఖపట్నం, నవంబర్ 14, 2020  (డి ఎన్ ఎస్):* దీపావళి పర్వదినోత్సవం రోజున ఈ భువిపై ఆవిర్భవించిన డిచే నారాయణుడు, జగత్ గురువులు, ఉభయ వేదాంత ప్రవర్తకాచార్యులు, శ్రీమత్ పరమహంస పరివ్రాజకులు శ్రీ శ్రీ

శ్రీ త్రిదండి చిన్న శ్రీమన్నారాయణ రామానుజ జీయర్ స్వామి వారికి (జన్మ దినోత్సవ) తిరునక్షత్రోత్సవ వేడుకల్లో భాగంగా వేద పండితులను అత్యంత ఉన్నతమైన జీయర్ పురస్కారంతో సత్కరించారు. శంషాబాద్ లోని  జీవా ఆశ్రమం లో వైభవంగా శనివారం జరిగిన సభలో బ్రహ్మశ్రీ మాడుగుల మాణిక్య సోమయాజి స్వామి, ( సుమారు 80 వత్సరాలు దాటిన వయో

వృద్దులు, జ్ఞాన వృద్దులు), బ్రహ్మశ్రీ చింతపల్లి ఆంజనేయ ఘనపాటి స్వామి (విజయవాడ కనక దుర్గ ఆలయ వేదపండితులు) లకు చిన్న జీయర్ స్వామి మంగళాశాసనం చేసారు. 

వేద వైభవాన్ని అత్యంత మధురంగా వివరించారు. నాలుగు రోజుల పాటు జరుగనున్న ఈ ఉత్సవాల్లో ఈ నెల 16 న చిన్న జీయర్ స్వామి స్వయంగా భక్తులకు మంత్రోపదేశం ( సమాశ్రయణం )

అనుగ్రహించనున్నారు. స్వామివారి ఆరాధ్యదైవమైన శ్రీరామచంద్ర పరివారానికి ఈనెల 18 న 108 కళాశాలతో అభిషేకం జరుగనుంది. ఈ అభిషేకం విశ్రాంత పోలీస్ అధికారి కోటేశ్వర రావు చేతుల మీదుగా ప్రతి సంవత్సరం జరగడం విశేషం.

Live: . . https://www.youtube.com/watch?v=beFZTexNmQs