*(DNS రిపోర్ట్ :  పి. రాజా, బ్యూరో చీఫ్, అమరావతి)*  

*అమరావతి, డిసెంబర్ 24, 2020  (డి ఎన్ ఎస్):* కరోనా స్ట్రైయిన్, సెకండ్‌ వేవ్‌ హెచ్చరికలతో ఏపీ ప్రభుత్వం అప్రమత్తమైంది. కేంద్ర మార్గదర్శకాలకు అనుగుణంగా ఏపీ వైద్య, ఆరోగ్య శాఖ చర్యలు చేపట్టింది. బ్రిటన్‌లో కరోనా కొత్త రకం వైరస్‌ విజృంభణతో విమాన ప్రయాణికుల

రాకపోకలపై దృష్టి పెట్టారు. విదేశాల నుంచి వచ్చే ప్రయాణికులకు విమానాశ్రయాల్లోనే ఆర్‌టీపీఆర్‌ పరీక్షలు చేయాలని ఆదేశాలు జారీ చేశారు. ఈ మేరకు అధికారులు చర్యలు ప్రారంభించారు. ఎయిర్‌పోర్టుల్లో హెల్ప్ డెస్కులు ఏర్పాటు చేస్తున్నారు. విదేశాల నుంచి వస్తున్న వారిపై ఫోకస్ పెట్టారు. కరోనా కొత్త స్ట్రైయిన్‌పై డిప్యూటీ

సీఎం ఆళ్ల నాని స్పందించారు.
ఏపీలో ప్రభుత్వం నిర్వహించిన పరీక్షల్లో కరోనా కొత్త స్ట్రెయిన్ ఆనవాళ్లు లేవని ఆళ్ల నాని తెలిపారు. యూకే నుంచి రాజమండ్రి వచ్చిన మహిళకు కరోనా పాజిటివ్‌ వచ్చిందని. అయినా ఆమె నార్మల్‌గా ఉన్నారన్నారు. ఆమె కుమారుడికి పరీక్షలు జరపగా నెగెటివ్‌ వచ్చిందని.. ఫస్ట్‌ క్లాస్‌ బోగీలో

వచ్చినందున మిగిలిన వారితో కాంటాక్టయ్యే అవకాశం తక్కువే ఉంటుందన్నారు. ఆమెకు మెరుగైన వైద్యం అందించేందుకు అన్ని చర్యలు తీసుకున్నామన్నారు.
మహిళ నమూనాలు సేకరించి పుణె ల్యాబ్‌కు పంపామని.. ఫలితాలు రావాల్సి ఉందన్నారు డిప్యూటీ సీఎం. కరోనా కొత్త స్ట్రెయిన్ విషయంలో ప్రభుత్వం అన్ని రకాల జాగ్రత్తలు తీసుకుంటున్నందని..

ప్రజలెవరూ భయాందోళనకు గురి కావొద్దన్నారు. పొరుగు రాష్ట్రాల్లోని ఎయిర్‌పోర్టుల్లో హెల్ప్‌ డెస్క్‌లు ఏర్పాటు చేస్తున్నామన్నారు. వైద్య ఆరోగ్యశాఖ సిబ్బందిని కూడా అప్రమత్తం చేశామన్నారు.