*రాష్ట్ర ఇంచార్జి సునీల్ నోటి వెంట అమిత్ షా, యోగి ల పేర్లు. . .*

*(DNS రిపోర్ట్ :  సాయిరాం CVS ,  బ్యూరో చీఫ్, విశాఖపట్నం)*  

*విశాఖపట్నం, జనవరి 07, 2021  (డి ఎన్ ఎస్):* భారతీయ జనతా పార్టీ జాతీయ నాయకులూ, కేంద్ర హోంశాఖ మంత్రి అమిత్ షా, ఉత్తర ప్రదేశ్ ముఖ్యమంత్రి యోగి ఆదిత్యానాద్ తదితరులు రామతీర్ధం లో

పర్యటించేందుకు రానున్నారు అంటూ మీడియా లో వస్తున్నా కధనాలు నిజమే అనే విధంగా ఉన్నాయి. రాష్ట్ర బీజేపీ ఇంచార్జి సునీల్ దేవధర్ గురువారం విశాఖ లో చేసిన వ్యాఖ్యలే ఇందుకు నిదర్శనంగా నిలుస్తున్నాయి. చలో రామతీర్ధం కు బీజేపీ, జనసేన లు వరుసగా రెండవ మారు ఇచ్చిన పిలుపు ను రాష్ట్ర ప్రభుత్వం ఉక్కుపాదంతో తొక్కేసింది. ఈ క్రమంలోనే

సునీల్ ను కనీసం హోటల్ నుంచి బయటకు కూడా రానివ్వకుండా పోలీసులు అడ్డుకున్నారు. అయితే తానూ హిమాచల్ ప్రదేశ్ గవర్నర్ బండారు దత్తాత్రేయను కలిసేందుకు వెళ్తున్నట్టు చెప్పినా పోలీసులు 
కదల నివ్వక పోవడం తో అయన తీవ్ర ఆగ్రహాన్ని వ్యక్తం చేసారు. ఈ సందర్భంగా విడుదల చేసిన వీడియో లో అయన ముఖ్యమంత్రి వైఎస్ జగన్ పై నిప్పులు

చెరిగారు. చంద్రబాబు, వైఎస్ జగన్ ఇద్దరూ కుమ్మక్కై, బీజేపీ, జనసేనలను అడ్డుకునే ప్రత్యత్నం చేస్తున్నారని మండిపడ్డారు. ఈరోజు మమ్మల్ని అవుతున్నారు, రేపు కేంద్ర హోమ్ మంత్రి అమిత్ షా వస్తారు, ఆయన్ని ఆపగలరా? యుపి ముఖ్యమంత్రి యోగి ఆదిత్యానాద్ వస్తారు ఆయన్ని ఆపగలరా అంటూ జగన్ కు సూటిగా సవాల్ విసిరారు. ఈ వ్యాఖ్యలతో వారిద్దరి

తో మరికొందరు బీజేపీ అగ్రనేతలు రామతీర్ధానికి రానున్నట్టు తెలుస్తోంది.