*జాతీయ జర్నలిస్టుల సంఘం కార్యదర్శి గంట్ల శ్రీనుబాబు కానుక*

*(DNS రిపోర్ట్ :  సాయిరాం CVS ,  బ్యూరో చీఫ్, విశాఖపట్నం)*  

*విశాఖపట్నం, జనవరి 08, 2021  (డి ఎన్ ఎస్):* ఉత్తరాంధ్ర జిల్లాల ఇలవేల్పు సింహాచలం లో వెలసిన శ్రీ వరాహా లక్ష్మీ నృసింహస్వామికి జాతీయ జర్నలిస్టుల సంఘం కార్యదర్శి, వైజాగ్ జర్నలిస్టుల ఫోరం

అధ్యక్షులు, అప్పన్న చందనోత్సవ కమిటీ మాజీ సభ్యులు గంట్ల శ్రీనుబాబు దంపతులు అపురూపమైన కానుకను విరాళంగా అందజేశారు. మార్గశిర కృష్ణ పక్ష దశమి పర్వదినాన శుక్రవారం ఉదయం 27 కేజీల ఇత్తడి కవచం ఆలయ వర్గాలకు అందజేశారు. ఈ కవచం సింహాద్రినాధుడి స్వర్ణకవచం అలంకరణకు వినియోగించనున్నారు. ఈ సందర్భంగా గంట్ల శ్రీనుబాబు మాట్లాడుతూ

సింహాచలం ప్రాంతంలో జన్మించడం తన పూర్వ జన్మ సుకృతమన్నారు. గతంలో కూడా అప్పన్న నిత్యన్నధాన పథకానికి తాను రూ .3 లక్షలు విరాళంగా అందజేయడంతో పాటు తమ కుటుంబ సభ్యులు మరికొంత మొత్తాన్ని అందజేశారన్నారు. అంతే కాకుండా స్వర్ణ పుష్పాలు, స్వర్ణ తులసీదళాలు కూడా తాము విరాళంగా అందజేయడం జరిగిందన్నారు. తాజాగా స్వర్ణ కవచ అలంకరణకు

అవసరమైన ఇత్తడి కవచం అందజేసే అదృష్టం లభించిందన్నారు. ఆలయ ఏఇఓ రాఘవకుమార్ కు ఈ కానుకను శ్రీనుబాబు దంపతులు అందజేశారు. తొలుత ఇత్తడి కవచంకు ఆలయ అర్చకలు సింహం ఆచార్యులు, పెద్దిరాజు తదితరులంతా ప్రత్యేక పూజలు నిర్వహించారు. ఈ కార్యక్రమంలో శిల్పి పండూరి అయ్యప్ప, పండూరి సాంబ, నాయుడు తదితరులంతా పాల్గొన్నారు. ఈ సందర్భంగా తొలుత

దాత కుటుంబ సభ్యులు స్వామిని దర్శించుకొని పూజలు నిర్వహించారు.