*(DNS రిపోర్ట్ : ఆచార్యులు SV,  బ్యూరో చీఫ్, శ్రీకాకుళం)*  

*శ్రీకాకుళం, జనవరి 21, 2021  (డి ఎన్ ఎస్):*  ఫిబ్రవరి 1వతేదీ నుంచి శ్రీకాకుళం జిల్లాలో నాణ్యమైన రేషన్‌ బియ్యం డోర్‌ డెలివరీ కోసం సిద్దమైన వాహనాలను గురువారం రాష్ట్ర ఉపముఖ్యమంత్రి ధర్మాన క్రిష్ణ దాస్, శాసన సభ్యులు ధర్మాన ప్రసాదరావు

ప్రారంభించారు. శ్రీకాకుళంలో కోడి రామమూర్తి స్టేడియంలో ఘనంగా కార్యక్రమం నిర్వహణలో జరిగిన ఈ కార్యక్రమం లో అయన మాట్లాడుతూ  లబ్ధిదారులకు నాణ్యమైన, మెరుగుపరచిన బియ్యాన్ని ఇంటివద్దే అందచేసేందుకు ఏటా రూ.830 కోట్లు అదనంగా వెచ్చిస్తూ పథకాన్ని రూపొందించారన్నారు. రాష్ట్రవ్యాప్తంగా జరిగిన వివిధ కార్యక్రమాల్లో

జిల్లాల్లోనూ మంత్రుల నేతృత్వంలో ఈ వాహనాలను ప్రారంభించారు. విజయవాడ లో ముఖ్యమంత్రి వైఎస్ జగన్ మోహన్ రెడ్డి వీటిని ప్రారంభించగా, జిల్లాల్లో పలువురు మంత్రులు, ఎమ్మెల్యేలకు మారుగా కొన్నిచోట్ల నియోజకవర్గాల సమన్వయకర్తలు ఈ వ్యాన్ లను ప్రారంభించారు. బారులు తీరిన ఈ వ్యాన్ లను చూసేందుకు పెద్ద సంఖ్యలో నగరవాసులు కార్యక్రమ

ప్రారంభోత్సవానికి వచ్చారు. ఈ కార్యక్రమం లో కంబాల జోగులు, విశ్వాసరాయి కళావతి, గొర్లె కిరణ్ కుమార్, రెడ్డి శాంతి, డిసీసీబీ చైర్మన్ పాలవలస విక్రాంత్, జిల్లా కలెక్టర్ జె నివాస్, జాయింట్ కలెక్టర్లు సుమిత్ కుమార్, డా.కె.శ్రీనివాసులు, ఎస్పీ అమిత్ బర్దార్, టెక్కలి సబ్ కలెక్టర్ సూరజ్ ధనుంజయ్, సహాయ కలెక్టర్ ఎం.నవీన్, ఆర్డీవోలు

ఐ. కిషోర్, టివిఎస్జి కుమార్, నగర పాలక సంస్థ కమీషనర్ పి.నల్లనయ్య, పౌర సరఫరాల సంస్థ డిఎం ఏ.కృష్ణారావు, డిఎస్ఓ డివి రమణ, బిసి, ఎస్సీ కార్పొరేషన్ ల ఇడిలు జి.రాజారావు, కె.రామారావు తదితరులు పాల్గొన్నారు.