*(DNS రిపోర్ట్ :  పి. రాజా, బ్యూరో చీఫ్, అమరావతి)*  

*అమరావతి, ఫిబ్రవరి 05, 2021  (డి ఎన్ ఎస్):* ధర్మ ప్రచారకులందరు ధర్మ కోసం సమాజాన్ని మేలుకొలపాల్సిన అవసరం ఉందని విభాగపు ప్రభావిరి ప్రముఖ్ నండూరి కృష్ణ మూర్తి అన్నారు. శుక్రవారం తూర్పు గోదావరి జిల్లా కాకినాడ నరసన్న నగరంలో గల రాష్ట్రీయ స్వయం సేవక సంఘ కార్యాలయంలో

సమరసత సేవా ఫౌండేషన్ జిల్లా ధర్మ ప్రచారుకులు సమావేశంలో ఆయన మాట్లాడారు. 

ధర్మం కోసం సమాజాన్ని మేలుకొలపాలని కార్యక్రమాలు నిర్వాహణ కోసం యాచించిన తప్పు లేదన్నారు. మనం చేసే పని మన కోసం కాదని సమాజం కోసం అని గుర్తించాలన్నారు. మరో వక్త  వి.లక్ష్మణజి మాట్లాడుతూ జిల్లాలో ఆయోద్య రామమందిర నిర్మాణం కోసం జరిగే

ప్రచార కార్యక్రమం వైభవంగా జరుగుతోందని, ఇది మన తరంలో జరగడం పూర్వ జన్మ సుకృతమగా భావించాలని తెలిపారు. వచ్చే నెల నుండి ధర్మ రక్షణ కోసం ప్రతి గ్రామం నుండి 100 రూపాయలు సభ్యత్వంతో ధర్మ రక్షకులును తయారు చేయాలని ధర్మ ప్రచారకులు సూచించారు. రెండు రోజుల పాటు జరుగుతున్న సమావేశంలో ఏర్పాట్లను  కరప మండలానికి చెందిన రాష్ట్రీయ

బ్రాహ్మణ ఫ్రంట్ తెలుగు రాష్ట్రాల ప్రధాన కార్యదర్శి సాంబశివరావు  చేసారు.  ఈ కార్యక్రమంలో జిల్లాలోని వివిధ డివిజన్లు, మండలాల ధర్మ ప్రచారకులు పాల్గొన్నారు.