*(DNS రిపోర్ట్ :  పి. రాజా, బ్యూరో చీఫ్, అమరావతి)*  

*అమరావతి, ఫిబ్రవరి 24, 2021  (డి ఎన్ ఎస్):* విశాఖ పట్నం స్టీల్ ప్లాంట్ ప్రైవేటీకరణ దిశగా కేంద్ర ప్రభుత్వం పావులు కదుపుతోంది. రాష్ట్ర వ్యాప్తంగా,  ఉక్కు కర్మాగారం ప్రైవేటీకరణకు వ్యతిరేకంగా అన్ని పార్టీలు, కార్మిక సంఘాలు ఆందోళన చేస్తున్నా..కేంద్రం దూకుడుగా

ముందుకు వెళుతోంది. ముఖ్యమంత్రి జగన్ లేఖ రాసినా...  బీజేపీ నేరుగా వెళ్లి వినతి పత్రాలు ఇచ్చినా.. ప్రతిపక్షాలు లేఖలు రాసినా.. ఎంపీలు, కేంద్ర మంత్రులు కలిసినప్పటికీ కేంద్రం మాత్రం వెనక్కి తగ్గడంలేదు. స్టీల్ ప్లాంట్ ప్రైవేటీకరణకు, ప్రైవేట్ బిడ్  దాఖలు చేసేందుకు కావలసిన టెక్నికల్ వివరాలతో పాటు.. ప్లాంట్‌కు

సంబంధించిన వివరాలు, లాభనష్టాలు మొత్తం సమాచారాన్ని పంపించాల్సిందిగా  కేంద్ర ప్రభుత్వం మెయిల్ ద్వారా ఉన్నతాధికారులకు సమాచారమిచ్చింది.