*గిన్నిస్ బుక్ రికార్డ్ గ్రహీత కు జనసేనాని పవన్ ఆర్థిక సాయం* 

*మార్షల్ ఆర్ట్స్ లో 29 ప్రపంచ రికార్డులు సాధించా: ప్రభాకర్ రెడ్డి* 

(DNS రిపోర్ట్: సాయిరాం CVS,  బ్యూరో చీఫ్, విశాఖపట్నం)  

విశాఖపట్నం, మార్చి 26, 2021, 2020 (డిఎన్ఎస్): యువతకు దేహ దారుఢ్యంతోపాటు మానసిక బలం చేకూరేందుకు యుద్ధ కళలు, సాహస

క్రీడల్లో నైపుణ్యాలు దోహదం చేస్తాయని, వీటిని నేర్చుకోవడం ఎంతైనా అవసరమని జనసేన అధ్యక్షులు పవన్ కల్యాణ్ తెలియచేసారు. శుక్రవారం నెల్లూరుకు చెందిన మార్షల్ ఆర్ట్స్ శిక్షకులు... గిన్నిస్ బుక్ సహా, 29 ప్రపంచ రికార్డులు సాధించిన ప్రభాకర్ రెడ్డికి  హైదరాబాద్ లోని తన కార్యాలయంలో సత్కారం, ఆర్థిక ప్రోత్సాహాన్ని అందించారు. ఈ

సందర్భాంగా ఆయన మాట్లాడుతూ మన దేశంలోనూ పలు సంప్రదాయ యుద్ధ కళలు ఉన్నాయన్నారు. వాటితోపాటు పలు ఆసియా దేశాల మార్షల్ ఆర్ట్స్ కూడా ప్రాచుర్యంలో ఉన్నాయన్నారు. చిన్నప్పటి నుంచీ బాలబాలికలకు నేర్పిస్తే ఆత్మ రక్షణ విద్యగాను, మనోస్థైర్యం ఇచ్చే మార్గంగాను ఇవి ఉపయోగపడతాయి అన్నారు. 
 “వింగ్ చున్ అనే మార్షల్ ఆర్ట్.. మన

దేశంలో ఉన్న శిక్షకుల  గురించి బ్రౌజ్ చేస్తుంటే ప్రభాకర్ రెడ్డి గురించి తెలిసింది. మార్షల్ ఆర్ట్స్ లో వివిధ దేశాల్లో శిక్షణ పొంది, రికార్డులు సాధించిన ఆయన పెద్ద పెద్ద నగరాలకు వెళ్లిపోకుండా తన ఊళ్ళో ఉంటూ యువతకు శిక్షణ ఇవ్వడం సంతోషం. ఇలాంటివారిని ప్రోత్సహించాలి. ఈ క్రమంలోనే మా ట్రస్ట్ ద్వారా ఆర్థిక తోడ్పాటు

అందించాను” అన్నారు. 

రికార్డు గ్రహీత ప్రభాకర్ రెడ్డి మాట్లాడుతూ “మార్షల్ ఆర్ట్స్ లో 29 ప్రపంచ రికార్డులు సాధించాను. చైనా, థాయిలాండ్, మలేసియా, శ్రీలంకల్లో పలు యుద్ధ కళలు నేర్చుకున్నాను. చైనాలోని షావోలిన్ టెంపుల్ లో శిక్షణ పొందాను. యువతకు మార్షల్ ఆర్ట్స్ లో ప్రవేశం ఉండటం ఎంతో ఉపయోగపడుతుంది. మన దేశంలో

వీటిని నేర్చుకొంటున్నవారు తక్కువగానే ఉన్నారు. పవన్ కల్యాణ్ గారికి పలు మార్షల్ ఆర్ట్స్ లో ప్రవేశం ఉంది. వీటిపై ఆసక్తి కూడా చాలా ఎక్కువ. వారు నన్ను పిలిచి సత్కరించి, ఆర్థిక సహాయం ఇవ్వడం చాలా ఆనందాన్నిచ్చింది. ఆయనకు కృతజ్ఞతలు తెలియచేసారు. ఈ సందర్భంగా పవన్ కల్యాణ్ ‘వింగ్ చున్’ గురించి తెలుసుకున్నారు. వింగ్ చున్

వుడెన్ డమ్మీపై కొన్ని మెళకువలు తెలుసుకున్నారు.