*(DNS రిపోర్ట్: పి. రాజా, బ్యూరో చీఫ్, అమరావతి)*  

*అమరావతి, ఏప్రిల్ 1, 2021  (డిఎన్ఎస్):* 45 ఏళ్లు దాటిన పౌరులందరికీ కోవిడ్ టీకా అందించాలంటూ కేంద్ర ప్రభుత్వం ప్రకటించిన నిబంధనల ప్రకారం ఆంధ్ర ప్రదేశ్ రాష్ట్ర ముఖ్యమంత్రి వైఎస్‌ జగన్‌మోహన్‌రెడ్డి తొలివిడత టీకా వేయించుకున్నారు. గుంటూరు లోని భారత్‌పేటలోని 6వ

లైన్‌ వార్డు సచివాలయంలో సమీపం లోని కమ్యూనిటీ హాల్‌లో గురువారం ఆయన ఆయన స్వయంగా వ్యాక్సిన్‌ వేయించుకున్నారు. ఆయనతో పాటు అయన శ్రీమతి వైఎస్ భారతి కూడా టీకా వేయించుకున్నారు. అనంతరం ఆయన 45 ఏళ్లు దాటిన పౌరులందరికీ వార్డు/గ్రామ సచివాలయాల్లో వ్యాక్సినేషన్‌ కార్యక్రమాన్ని 
ప్రారంభించారు. అనంతరం వైద్య సిబ్బంది

అబ్జర్వేషన్‌లో ఉండి ఆ తరువాత సచివాలయం, వైద్య సిబ్బందితో సీఎం సమావేశం కోసం వెళ్లారు. 

ముఖ్యమంత్రికి వ్యాక్సిన్‌ వేసేందుకు గుంటూరులోని సచివాలయ ఆవరణలో ఏర్పాటు చేసిన వ్యాక్సిన్‌ కేంద్రం, రిజిస్ట్రేషన్, వ్యాక్సిన్‌ రూమ్, అబ్జర్వేషన్‌ రూమ్‌ను హోం మంత్రి మేకతోటి సుచరిత, కలెక్టర్‌ వివేక్‌యాదవ్‌

పరిశీలించారు.