*పర్వతారోహకుడు ఆచంటకు ఎంపి భరత్ అభినందన* 

*(DNS రిపోర్ట్: పి. రాజా, బ్యూరో చీఫ్, అమరావతి)*  

*అమరావతి, ఏప్రిల్ 1, 2021  (డిఎన్ఎస్):* యువత ఏదో రంగంలో ఉన్నతిని సాధించి చరిత్ర సృష్టించాలని, స్ఫూర్తిగా నిలవాలని అప్పుడే సమాజంలో మనకంటూ ఒక గుర్తింపు లభిస్తుందని రాజమహేంద్రవరం ఎంపీ, వైఎస్సార్ కాంగ్రెస్ పార్టీ

పార్లమెంటరీ చీఫ్ విప్ మార్గాని భరత్ రామ్ అన్నారు. గురువారం అంతర్జాతీయ క్రీడాకారుడు, ఇటీవల ఆఫ్రికా ఖండం టాంజేనియా దేశంలోని ప్రపంచంలోనే ఎత్తైన కిలిమంజారో పర్వతాన్ని అధిరోహించి ప్రపంచ రికార్డు సాధించిన రాజమండ్రికి చెందిన ఆచంట ఉమేష్ ను ఎంపీ భరత్ రామ్ అభినందించారు. 

ఈ సందర్భంగా ఎంపి భరత్ రామ్ మాట్లాడుతూ

దేశానికి ఇటువంటి క్రీడా కారులు చాలా అవసరమంటూ ఉమేష్ ను కొనియాడారు. గతంలో టేబుల్ టెన్నిస్లో కూడా ఉమేష్ ఎంతో ప్రతిభ కనబర్చాడని, అలాగే యువత క్రీడల్లో రాణించాల్సిన అవసరం ఎంతైనా ఉందన్నారు. రాజమహేంద్రవరం నగరంలో క్రీడాకారులకు కావలసిన సర్వ సౌకర్యాలు సమకూర్చేందుకు చర్యలు చేపట్టినట్లు తెలిపారు. 

నన్నయ విశ్వ

విద్యాలయ ప్రాంగణంలో ఇండోర్ స్టేడియం, ఫుట్ బాల్ కోర్టు, స్విమ్మింగ్ పూల్ తదితర నిర్మాణాలకు కావాలసిన నిధులను కేంద్ర, రాష్ట్ర ప్రభుత్వాల నుంచి తీసుకువచ్చి చేపట్టబోతున్నట్లు వెల్లడించారు. త్వరలోనే అంతర్జాతీయ క్రీడా పోటీలను రాజమహేంద్రవరం నగరంలో నిర్వహించాలని కూడా యోచిస్తున్నట్లు ఆయన తెలిపారు. 

రాష్ట్ర

ప్రభుత్వం కూడా క్రీడా రంగ అభివృద్ధికి ప్రత్యేక శ్రద్ధ తీసుకుంటోందని ఎంపి భరత్ రామ్ ఈ సందర్భంగా తెలిపారు. పర్వతారోహకుడు ఉమేష్ మాట్లాడుతూ నాకు అన్ని విధాలా ఎంపి భరత్ రామ్ ప్రోత్సాహం అందజేస్తున్నారని చెప్పారు.  సుమారు 19,340 అడుగుల ఎత్తైన కిలిమంజారో పర్వతారోహణం చేయడం చాలా ఆనందంగా ఉందన్నారు.  బహుశా వరల్డ్

రికార్డ్స్ లో స్థానం పొందే అవకాశం ఉందని చెప్పారు.