*ప్రధాని పిలిచి మరి పలకరించారు : సిస్టర్ నివేద థామస్*

*45 ఏళ్ళు దాటిన ప్రతిఒక్కరూ కోవిడ్ టీకా వేయించుకోండి: సిస్టర్స్*

*(DNS రిపోర్ట్: సాయిరాం CVS, బ్యూరో చీఫ్, విశాఖపట్నం)*  

*విశాఖపట్నం, ఏప్రిల్ 8, 2021 (డిఎన్ఎస్):* భారత ప్రధానమంత్రి కి అత్యంత సురక్షమైన కోవిడ్ టీకా రెండవ మోతాదు వెయ్యడం చాల ఆనందంగా

ఉందని నిషా శర్మ తెలిపారు. గురువారం ( ఏప్రిల్ 8 న) ప్రధాని నరేంద్ర మోడీ  రెండవ మోతాదు కోవిడ్ టీకా వేసిన నర్సింగ్ సిబ్బంది ఈమె. ఆలిండియా మెడికల్ సైన్సెస్ లో నిషా శర్మ మోడీకి రెండవ మోతాదు టీకా చేశారు. 

కాగా మార్చ్ 11 న తనకు మొదటి మోతాదు టీకాను అందించిన పి నివేదా థామస్ ను ప్రధాని మోడీ పిలిచి మరీ పలకరించారు. దీంతో

ఆమె అమితానందాన్ని పొందారు. వీరిద్దరితో ప్రధాని ఫోటో తీసుకున్నారు. 

45 ఏళ్ళు దాటిన వాళ్లంతా టీకా వేయించుకోవాలి: . . 

మార్చి 1 న దేశవ్యాప్తంగా వ్యాక్సిన్‌ను 60 ఏళ్లు పైబడిన వారికి, 45 ఏళ్లు పైబడిన వారికి టీకా అందించే మహాయజ్ఞం దేశం వ్యాప్తంగా మొదలుపెట్టారని, 45 ఏళ్ళు దాటిన ప్రతి ఒక్కరూ కోవిడ్ టీకా

వేయించుకోవాలని వీరిద్దరూ సూచించారు.