*పార్టీ నేతలతో విస్తృత వీడియో సమావేశాలు, సూచనలు*

*(DNS రిపోర్ట్: సాయిరాం CVS, బ్యూరో చీఫ్, విశాఖపట్నం)*  

*విశాఖపట్నం, ఏప్రిల్ 11, 2021 (డిఎన్ఎస్):* జనసేన అధ్యక్షులు పవన్ కల్యాణ్ ఆదివారం క్వారంటైన్ లోకి వెళ్లినట్టు పార్టీ ప్రతినిధి పి. హరిప్రసాద్ తెలియచేసారు. ఆయన ముఖ్యమైన కార్యనిర్వాహకులు, భద్రతా

సిబ్బంది, వ్యక్తిగత సిబ్బందిలోని ఎక్కువ మంది కరోనా బారినపడ్డారు. దీంతో ముందు జాగ్రత్త చర్యగా డాక్టర్ల సూచనలతో పవన్ కల్యాణ్ క్వారంటైన్ కు వెళ్లారు. దీంతో సోమవారం తిరుపతి ఉప ఎన్నికల్లో బీజేపీ అభ్యర్థి రత్నప్రభ తరపున చెయ్యవలసిన ప్రచారం పై సందిగ్దత నెలకొంది. 

గత వారం రోజులుగా ఆయన పరివారంలోని ఒక్కొక్కరూ

కరోనా బారినపడుతూ వస్తున్నారు. వీరంతా ఆయనకు చాలా సమీపంగా విధులు నిర్వహిస్తారు. దీంతో ముందు జాగ్రత్త చర్యగా, కరోనా విస్తృతి నివారణలో భాగంగా ఆయన క్వారంటైన్ కు వెళ్లారు. డాక్టర్ల సూచనతో ఆయన ప్రశాంత వాతావరణంలో ఉంటున్నారు. రోజువారీ విధులు నిర్వహిస్తూనే పార్టీ కార్యక్రమాలను పరిశీలిస్తున్నారు. టెలి కాన్ఫరెన్స్ ద్వారా

పార్టీ నాయకులతో మాట్లాడుతున్నారు.