*(DNS రిపోర్ట్: సాయిరాం CVS, బ్యూరో చీఫ్, విశాఖపట్నం)*  

*విశాఖపట్నం, ఏప్రిల్ 20, 2021 (డిఎన్ఎస్):* శ్రీ వరాహ లక్ష్మి నృసింహస్వామి కొలువైన సింహాచల క్షేత్రంలో సిబ్బంది పనితీరు పై ఆలయ కార్యనిర్వహణాధికారి ఎంవి సూర్యకళ అర్ధరాత్రి సైతం ఆకస్మిక తనిఖీలను చేపట్టారు. సోమవారం రాత్రి వేళల్లో ఆలయ పరిసరాల్లో సిబ్బంది ఏమాత్రం

జాగ్రత్తగా ఉన్నారో తెలుసుకునే ప్రయత్నం చేసారు. గత పదిరోజుల్లో రెండు సార్లు పరిశీలించారు. రాత్రిపూట ఉద్యోగులు ఎలా పనిచేస్తున్నారో క్షేత్ర స్థాయిలో చెక్ చేశారు. కేశఖండనం నుంచి  కాటేజీలు, అన్నదాన సత్రం వరకు అన్నింటినీ పరిశీలించారు. అవసరమైన సలహాలు సూచనలు చేశారామె. ఆలయ ఉద్యోగులందరూ అనునిత్యం అప్రమత్తంగా ఉండాలని

ఆదేశించారు.