*బీచ్ రోడ్ లో భారీ ఎత్తున పోలీస్ బలగాలు మోహరింపు* 

*(DNS రిపోర్ట్: సాయిరాం CVS, బ్యూరో చీఫ్, విశాఖపట్నం)*  

*విశాఖపట్నం, ఏప్రిల్ 20, 2021 (డిఎన్ఎస్):* కొరోనా రెండవ దఫా మరింతగా విజృంభిస్తున్న తరుణంలో విశాఖ సాగర తీరంలో పర్యాటకుల విహారం పై ఆంక్షలు అమలులోకి తీసుకువచ్చారు. మంగళవారం సాయంత్రం నుంచి బీచ్ రోడ్ లో

భారీ ఎత్తున పోలీస్ బలగాలు మోహరించారు. బీచ్ రోడ్ లోని గోడలపై నగరవాసులు కూర్చునేందుకు కూడా అనుమతించలేదు. వచ్చే పర్యాటకులను తక్షణం ఇళ్లకు వెళ్ళవలసిందిగా పోలీసులు సూచించారు. దీంతో బీచ్ రోడ్ మొత్తం నిర్మానుష్యంగా మారింది. యువత అధిక సంఖ్యలో బీచ్ ప్రాంతాల్లో తిరుగుతుండడంతో వీళ్ళను అదుపుచేసేందుకు పూర్తిస్థాయిలో

ఆంక్షలు అమలు చేస్తున్నట్టు తెలుస్తోంది.