*(DNS రిపోర్ట్: పి. రాజా, బ్యూరో చీఫ్, అమరావతి)*  

*అమరావతి, ఏప్రిల్ 22, 2021  (డిఎన్ఎస్):* పశ్చిమ  గోదావరి జిల్లా ఏలూరు ప్రభుత్వ ఆసుపత్రిలోని వివిద విభాగాలను జిల్లా కలెక్టర్ కార్తికేయ మిశ్రా, గురువారం
ఉదయం తనిఖీ చేశారు.  వ్యాక్సినేషన్ రూమ్, విశ్రాంతి గది, బాలింతల వార్డు, ప్రసూతి మరియు శిశుఆరోగ్య కేంద్రంలోని

వార్డులను సందర్శించి రోగులకు అందుతున్న చికిత్సల గురించి అడిగి తెలుసుకున్నారు.

పిల్లలవార్డులో బెడ్స్ సరిపోతున్నాయా అని డిసిహెచ్ఎస్ ను అడగగా కొత్తగా మెడికల్ కాలేజీ మంజూరు అయినదని కాలేజీ నిర్మాణం అయ్యేలోపుగా ఇదే భనంలో ఇంకొక అంతస్తు నిర్మాణానికి ఆలోచన చేసినట్లు తెలిపారు . 
అనంతరం జిల్లా కలెక్టర్

విలేఖర్లతో మాట్లాడుతూ వ్యాక్సినేషన్ జరుగుతున్న తీరును క్షేత్రస్థాయిలో పరిశీలించేందుకు ఈ రోజు ప్రభుత్వ ఆసుపత్రికి రావడం జరిగిందన్నారు.
జిల్లాలో మొదటి డోసు కొవిషీల్డ్ టీకా వేయించుకున్నవారు 30 వేల మంది వున్నారని గురువారం ప్రత్యేక డ్రైవ్ ద్వారా రెండవ డోసు 25 వేల పైబడి వ్యాక్సినేషన్ పూర్తి చేయాలనేది లక్ష్యంగా

పెట్టుకున్నట్లు తెలిపారు. 

వివిద కారణాల చేత మిగిలినవారు ఈ రోజు వ్యాక్సినేషన్ తీసుకోవడం జరగడటం లేదన్నారు. ప్రసూతి, శిశు ఆరోగ్య కేంద్రంలో బెడ్స్ తక్కువగా వున్నాయని ఈ విషయమై ముఖ్యమంత్రి దృష్టికి తీసుకువెళ్ళి బెడ్స్ సంఖ్య పెంచడానికి కృషిచేస్తానన్నారు. 

జిల్లా కలెక్టర్ వార్డులు

పరిశీలిస్తున్న సందర్భంలో డిసి హెచ్ఎస్ డా.ఎ.వి.ఆర్ మోహాన్
వున్నారు.