*తిరుపతిలో జర్మన్ టెంట్లో బెడ్, ఆక్సిజన్, వైద్య సదుపాయం*

*(DNS రిపోర్ట్: సాయిరాం CVS, బ్యూరో చీఫ్, విశాఖపట్నం)*  

*విశాఖపట్నం, మే 04, 2021 (డిఎన్ఎస్):* తాత్కాలిక వైద్య శిబిరాల్లో జర్మన్ షెడ్లు ఏర్పాటు చేసి మినీ కోవిడ్ సెంటర్లను తిరుమల తిరుపతి దేవస్థానం  ఏర్పాటు చేసింది. ఇది ఒక మంచి ఆలోచన గా అందరూ

భావిస్తున్నారు. ఈ ఏర్పాట్లు సూచించిన టీటీడీ చైర్మన్ ఎస్వీ సుబ్బారెడ్డిని అభినందిస్తున్నారు. ఆక్సిజన్ బెడ్ లేక అల్లాడుతున్న  వారికి ఇలా తాత్కాలికంగా ఇందులో ఆక్సిజన్ బెడ్లు, ఏసీ, వాటర్, మందులు, ఇంజెక్షన్లు అన్నీ అందిస్తున్నారు. సోమవారం వరకూ పద్మావతి కోవిడ్ సెంటర్ ఆరు బయట కుర్చీల్లో కూర్చోబెట్టి ఆక్సిజన్ అందించి

వారిని బతికించిన డాక్టర్లు ఇపుడు ఇలా జర్మన్షెడ్లులోకి తరలించి ట్రీట్మెంట్ ఇస్తున్నారు. ఇపుడు ఆక్సిజన్ బెడ్ కోసం వచ్చినవారెవ్వరూ .. వెనుతిరిగి వెళ్లాల్సిన అవసరం లేదన్నారు. పేషంట్లు పెరిగెకొద్దీ షెడ్లను ఇంకా నిర్మిస్తామంటున్నారు.

ప్రభుత్వ మరియు పెద్దల సహాయంతో ప్రతి జిల్లాల్లో  4 లేక 5 చొప్పున ఇలా

నిర్మిస్తే జనం ప్రాణాలను కాపాడిన వారవుతారని అంతా కోరుతున్నారు.