*(DNS report : Raja P, బ్యూరో చీఫ్, అమరావతి)* 

*అమరావతి, జూన్ 07, 2021 (డిఎన్ఎస్):* ఈనెల 1వ తేదీన హఠాన్మరణం చెందిన సీనియర్ జర్నలిస్ట్ , ది హన్స్ ఇండియా తూర్పుగోదావరి జిల్లా రిపోర్టర్  ఎస్ . శ్రీనివాసాచారి (చారి) కి ది రాజమండ్రి ప్రెస్ క్లబ్ ఘనంగా నివాళులర్పించింది. ప్రెస్ క్లబ్ గౌరవ అధ్యక్షులు మండేలా శ్రీరామమూర్తి

ఆధ్వర్యాన సోమవారం ఉదయం జరిగిన సంస్మరణ సభలో పలువురు పాత్రికేయలు పాల్గొని చారి చిత్రపటానికి పుష్పాంజలి ఘటించారు.సంతాప సూచకంగా రెండు నిముషాలు మౌనం పాటించారు.  సాంప్రదాయ , స్థితిమంతుల కుటుంబానికి చెందిన చారి పాత్రికేయ విలువలు పెంచేలా వ్యవహరించారని, రాజమండ్రిలోనే కాకుండా  రాష్ట్రంలోని వివిధ ప్రాంతాల్లో

పనిచేసి, బోళా మనిషిగా అందరి మన్ననలు పొందారని సీనియర్ పాత్రికేయలు వి ఎస్ ఎస్ కృష్ణకుమార్ పేర్కొన్నారు. ఏపీయుడబ్ల్యూజే రాష్ట్ర కార్యదర్శి  ఎం. శ్రీరామమూర్తి, సీనియర్ పాత్రికేయులు కెవి శైలేంద్ర, పెద్దాడ నవీన్, జిఎ భూషణ్ బాబు తదితరులు చారితో గల అనుబందాన్ని గుర్తుచేసుకున్నారు. వార్తల సేకరణ విషయంలో చారి వినూత్న శైలి

కనబరిచారని పేర్కొన్నారు. నవ్వుతూ నవ్విస్తూ ఉండేవారని గుర్తుచేసుకున్నారు. కార్యక్రమం లో పలువురు పాల్గొన్నారు.