*(DNS report : Sairam CVS, బ్యూరో చీఫ్, Vizag)* 

*విశాఖపట్నం, జులై 28, 2021 (డిఎన్ఎస్):* విశాఖపట్నం జిల్లా నూతన కలెక్టర్‌ గా ఎ.మల్లిఖార్జున్‌  బుధవారం బాధ్యతలు చేపట్టారు. బుధవారం ఉదయం ఉత్తరాంధ్ర జిల్లాల ఆరాధ్య దైవమైన సింహాచలం శ్రీ వరాహ లక్ష్మి నృసింహ స్వామిని దర్శించుకుని, అనంతరం అయన జిల్లా కార్యాలయంలో భాద్యతలు

చేపట్టారు. 
సింహాచల దేవాలయ ధర్మకర్తల మండలి ప్రత్యేక ఆహ్వానితులు, జాతీయ జర్నలిస్టుల సంఘం కార్యదర్శి, వైజాగ్‌ జర్నలిస్టుల ఫోరం అధ్యక్షుడు గంట్ల శ్రీనుబాబు అభినందనలు తెలిపేందుకు మర్యాద పూర్వకంగా కలుసుకున్నారు. ఈ సందర్భంగా కలెక్టర్‌కు సింహద్రినాథుడి జ్ఙాపికను అందజేసారు. 
జిల్లాలో జర్నలిస్టులకు

ఇప్పటివరకూ అక్రిడేషన్లు మంజూరు కాలేదని కలెక్టర్‌ దృష్టికి శ్రీనుబాబు తీసుకువెళ్లారు.అదనంగా కొన్ని యూనిట్లు అక్రిడేషన్ల మంజూరు చేయాలని కోరారు. ఇందుకు కలెక్టర్‌ సానుకూలంగా స్పందించారు.తాను ఈ విషయంపై దృష్టిసారించి త్వరలోనే అక్రిడేషన్లు జారీ చేస్తామని చెప్పారు. దీంతో కలెక్టర్‌కు శ్రీనుబాబు కృతజ్ఞతలు

తెలిపారు.