*(DNS report : పి. రాజా, బ్యూరో చీఫ్, అమరావతి)* 

*అమరావతి, జులై 29, 2021 (డిఎన్ఎస్):* త్వరలో జరగనున్న నీట్ పరీక్షకు తూర్పు, పశ్చిమ గోదావరి జిల్లాల నుంచి 13 వేల మంది హాజరు కానున్న నేపథ్యంలో ఒక పరీక్షా కేంద్రం గోదావరి జిల్లాలో ఏర్పాటు చెయ్యాలని వైకాపా ఎంపీలు కేంద్రమంత్రిని కోరారు. కాకినాడ  యం.పి. వంగా గీతా విశ్వనాధ్,

అమలాపురం యం.పి. చింతా అనురాధ, రాజ్యసభ సభ్యులు పిల్లి సుభాష్ చంద్రబోస్, రాజమండ్రీ ఎంపీ మార్గాని భరత్ లు ఢిల్లీలో కేంద్ర ఆరోగ్య మరియు కుటుంబ సంక్షేమ శాఖ మంత్రివర్యులు మన్ సుఖ్ మాండవియా ని మర్యాదపూర్వకంగా భేటీ అయ్యారు. త్వరలో జరగనున్న నీట్ పరీక్షకు తూర్పు, పశ్చిమ గోదావరి జిల్లాలకు చెందిన 13 వేల మంది విద్యార్థులు హాజరు

కానున్న నేపథ్యంలో ఈ రెండు జిల్లాల్లో ఒక్క పరీక్షా కేంద్రం కూడా లేకపోవడం వలన విద్యార్థులు విజయవాడ లేదా విశాఖపట్టణంలో ఏర్పాటుచేసిన సెంటర్లకు చేరుకోవడానికి 250 - 300 కిలోమీటర్లు ప్రయాణం చేయాల్సి ఉంటుందంటూ విద్యార్థుల నిస్సహాయ పరిస్థితిని వివరించడం జరిగింది.  కావున కేంద్రం ప్రత్యేక చొరవ తీసుకుని కరోనా పరిస్థితులను

దృష్టిలో ఉంచుకుని రాజమండ్రి లేదా మరేదైనా ప్రాంతంలో పరీక్షా కేంద్రం ఏర్పాటు చేయాలని విజ్ఞప్తి చేస్తూ కేంద్ర మంత్రి కి వినతి పత్రాన్ని అందజేశారు. మంత్రి సానుకూలంగా స్పందించారు.