*(DNS report : Sairam CVS, బ్యూరో చీఫ్, Vizag)* 

*విశాఖపట్నం, సెప్టెంబర్ 08, 2021 (డిఎన్ఎస్):* కోరమండల్ ఇంటర్నేషనల్ లిమిటెడ్ కంపెనీ ఎగ్జిక్యూటివ్ వైస్ ఛైర్మన్ అరుణ్ అలగప్పన్ సింహాచల క్షేత్రానికి రూ. 10 లక్షల నిధుల విరాళాన్ని ప్రకటించారు. బుధవారం కోరమండల్ ఇంటర్నేషనల్ లిమిటెడ్ కంపెనీ ఎగ్జిక్యూటివ్ వైస్ ఛైర్మన్ అరుణ్ అలగప్పన్

 తన కంపెనీ టాప్ ఎగ్జిక్యూటివ్ లతో కలిసి సింహాచలం శ్రీ వరాహలక్ష్మీనృసింహస్వామివారిని దర్శించుకున్నారు. వారికి ఈఓ సూర్యకళ, ఏఈఓ ఆనంద్ కుమార్, అధికారులు స్వాగతం పలికారు. వేద ఆశీర్వాదం, స్వామివారి ప్రసాదాలను అందించారు. విజిటర్స్ బుక్ లో స్వామివారిని దర్శించుకోవడం చాలా సంతోషంగా ఉందని రాశారు అలగప్పన్. ఈ సందర్భంగా...

ఆలయంలో చేపట్టిన అభివృద్ధి కార్యక్రమాలను అరుణ్ అలగప్పన్ కు ఈఓ సూర్యకళ వివరించారు. దేవస్థానం పరిసరాలను, పరిశుభ్రతను చూసి ఆశ్చర్యపోయారు.  స్థల పురాణాన్ని వివరించడంతో పాటు ఆలయం, కళ్యాణ మండపాన్ని కోరమండల్ టీంకు  చూపించారు. దేవస్థానం అభివృద్ధి కార్యక్రమాలకు రూ.10 లక్షల రూపాయలు ఇస్తానని ఈఓకు అలగప్పన్ హామీ ఇచ్చారు.

ఆలయంలో ఇటీవలే జరిగిన అభివృద్ధిని చూసి మరిన్ని కార్యక్రమాలను చేపట్టాలని  EO ను కోరారు.  వారంలో చెక్స్ ఇచ్చేస్తానన్నారు. అంతేకాదు భవిష్యత్ లో చేపట్టబోయే అభివృద్ధి కార్యక్రమాల్లో భాగస్వామ్యమవుతామని చెప్పారు.  

అరుణ్ అలగప్పన్ తో పాటు కోరమండల్ కంపెనీ ఎండీ సమీర్ గోయల్, దినేష్ (జీఎం- ఆపరేషన్స్), శంకర్

సుబ్రహ్మణ్యం, బిజినెస్ హెడ్, రంగ కుమార్ (సీనియర్ జనరల్ మేనేజర్ HR), జయశ్రీ శటగోపన్, సీఎఫ్ ఓ, కాలిదాస్ (ఎగ్జిక్యూటివ్ వైస్ ప్రెసిడెంట్ మార్కటింగ్) , రంగకుమార్ సీనియర్ జనరల్ మేనేజర్ సింహాద్రినాథుణ్ణి దర్శించుకున్నారు.