*(DNS report : Sairam CVS, బ్యూరో చీఫ్, Vizag)* 

*విజయనగరం, సెప్టెంబర్ 17, 2021 (డిఎన్ఎస్):* కోవిడ్ నిబంధ‌న‌ల‌ను త‌ప్ప‌నిస‌రిగా పాటిస్తూ, ఓట్ల లెక్కింపు విజ‌య‌న‌గ‌రం జిల్లాలో ఓట్ల లెక్కింపున‌కు ప‌క‌డ్భంధీగా ఏర్పాట్లు చేస్తున్న‌ట్లు, విజ‌య‌న‌గ‌రం జిల్లా క‌లెక్ట‌ర్ ఏ.సూర్య‌కుమారి తెలిపారు. ఈనెల 19న

నిర్వహించనున్న జడ్పి టిసి,ఎంపిటిసి ఓట్ల లెక్కింపుపై శుక్రవారం విజయవాడలోని సిఎస్ క్యాంపు కార్యాలయం నుండి, జిల్లా కలెక్టర్లు, ఎస్పిలు, డిపిఓలు,  జడ్పి సిఇఓలు తదితర అధికారులతో వీడియో సమావేశం నిర్వహించారు.

శుక్రవారం నిర్వహించిన వీడియో సమావేశం లో ఆమె మాట్లాడుతూ ఇప్ప‌టికే వివిధ ద‌శ‌ల్లో సిబ్బందికి

శిక్ష‌ణ ఇవ్వ‌డం జ‌రిగింద‌ని, శుక్ర‌, శ‌నివారాల్లో తుదివిడ‌త శిక్ష‌ణా కార్య‌క్ర‌మాల‌ను ఏర్పాటు చేసిన‌ట్లు క‌లెక్ట‌ర్ వివ‌రించారు. 

   ఈ వీడియో సమావేశంలో ప్రభుత్వ ప్రధాన కార్యదర్శి ఆదిత్యా నాధ్ దాస్ మాట్లాడుతూ ఈనెల 19న నిర్వహించే జడ్పిటిసి, ఎంపిటిసి ఓట్ల లెక్కింపునకు సంబంధించి పలు

మార్గదర్శకాలను ఇచ్చారు. ముఖ్యంగా ఓట్ల లెక్కింపు కేంద్రాలలో కోవిడ్ నిబంధనలను ఖచ్చితంగా పాటించాలని కలెక్టర్లు ఎస్పి లను ఆయన ఆదేశించారు. ఆలాగే ఓట్ల లెక్కింపు ప్రక్రియ సజావుగా జరిగేందుకు వీలుగా జిల్లా కలెక్టర్లు ఎస్పిలు అవసరమైన అన్ని చర్యలు తీసుకోవాలని చెప్పారు. కౌంటింగ్ సిబ్బంది, కౌంటింగ్ ఏజెంట్లు తప్పని సరిగా

వ్యాక్సిన్ వేయించుకుని ఉండాలని సిఎస్ కలెక్టర్లు కు స్పష్టం చేశారు. కౌంటింగ్ కేంద్రాల వద్ద పటిష్ఠమైన బందోబస్తు ఏర్పాట్లు చేయాలని ఎస్పి లను సిఎస్ ఆదిత్యా నాధ్ దాస్ ఆదేశించారు. ప్రతి కౌంటింగ్ కేంద్రాల వద్ద ఏర్పాట్లను,  ఇతర ఏర్పాట్ల పర్యవేక్షణకు జిల్లా అధికారి ఒకరిని ఇన్చార్జి గా పెట్టాలని సిఎస్ ఆదిత్యా నాధ్ దాస్,

కలెక్టర్లుకు సూచించారు.
           ఈ వీడియో సమావేశంలో విజ‌య‌వాడ నుంచి రాష్ట్ర పంచాయతీరాజ్ మరియు గ్రామీణాభివృద్ధి శాఖ ముఖ్య కార్యదర్శి గోపాల కృష్ణ ద్వివేది, పంచాయతీ రాజ్ శాఖ కమీషనర్ గిరిజా శంకర్, రాష్ట్ర ఎన్నికల సంఘం కార్యదర్శి కె.కన్నబాబు తదితరులు పాల్గొన్నారు.

విసిలో క‌లెక్ట‌ర్

సూర్య‌కుమారి తోపాటుగా, జాయింట్ క‌లెక్ట‌ర్లు డాక్ట‌ర్ జిసి కిశోర్ కుమార్‌, డాక్ట‌ర్ ఆర్‌.మ‌హేష్ కుమార్‌, జె.వెంక‌ట‌రావు, ఆర్‌డిఓ బిహెచ్ భ‌వానీ శంక‌ర్‌, జెడ్‌పి సిఇఓ టి.వెంక‌టేశ్వ‌ర్రావు, డిప్యుటీ సిఇఓ కె.రామ‌చంద్ర‌రావు, డిపిఓ సుభాషిణి, ఇత‌ర అధికారులు పాల్గొన్నారు.