*(DNS Report : P. Raja, బ్యూరో చీఫ్, అమరావతి)*  
 
*అమరావతి, అక్టోబర్ 19,  2021 (డిఎన్ఎస్):* తూర్పు గోదావరి జిల్లా అన్నవరం జాతీయ రహదారిపై నమూనా టెంపుల్ సమీపంలో పోలీసులు వాహనాలు తనిఖీ చేస్తుండగా సుమారు 20 లక్షల విలువచేసే 58 బస్తాల నిషేధిత గుట్కా ప్యాకెట్లు మంగళవారం పట్టుకున్నట్లు పెద్దాపురం డీఎస్పీ శ్రీనివాసరావు తెలిపారు.

పోలీసుస్టేషన్ ఆవరణలో విలేకర్ల సమావేశంలో మాట్లాడుతూ జిల్లా ఎస్పీ రవీంద్రనాథ్ బాబు ఇచ్చిన నిర్దిష్ట ఆదేశాలకు అనుగుణంగా స్పెషల్ బ్రాంచ్ వారు నిషేధిత గుట్కా ప్యాకెట్లు అక్రమ అక్రమ రవాణా జరుగుతుందని ఇచ్చిన సమాచారం మేరకు అన్నవరం ఎస్. ఐ. రవి కుమార్ నేతృత్వంలో సిబ్బంది వాహనాలు ఆకస్మిక తనిఖీ చేపట్టగా తుని నుండి

కత్తిపూడి వైపు వేడుతున్న ఎ. పి.37టి.ఈ4567 నెంబర్ గల ఐషర్ వ్యాన్ లో నిషేధిత ఖైనీ ప్యాకెట్లు దొరకగా, కారకులైన వ్యాన్ డ్రైవర్, క్లీనర్ తోపాటు ఇరువురు వ్యాపారస్తులను అరెస్టుచేసినట్లు వివరించారు.  ఈ సమావేశంలో అన్నవరం ఎస్ఐ ఎస్. రవికుమార్, సిబ్బంది పాల్గొన్నారు.