*(DNS Report : Sairam. CVS, Bureau Chief, Vizag)*

*విజయనగరం, అక్టోబర్ 27,  2021 (డిఎన్ఎస్):* విజ‌య‌న‌గ‌రం జిల్లాలోని ప్ర‌భుత్వ రంగ బ్యాంకుల ఆధ్వ‌ర్యంలో ఈ నెల 28 న  (గురువారం ) న‌గ‌రంలో ఋణ మేళా ( Credit Outreach Campaign) నిర్వ‌హిస్తున్న‌ట్టు లీడ్ డిస్ట్రిక్ట్ మేనేజ‌ర్ ఎం. శ్రీ‌నివాస్ తెలిపారు. స్థానిక రింగు రోడ్డులోని లీ ప్యార‌డైజ్

క‌న్వెన్ష‌న్ హాలులో ఉద‌యం 10 గంట‌ల‌కు జిల్లా క‌లెక్ట‌ర్ ఏ. సూర్య‌కుమారి రుణ‌మేళా ప్రారంభిస్తార‌ని పేర్కొన్నారు. భార‌తీయ స్టేట్ బ్యాంకు ఆధ్వ‌ర్యంలో అన్ని బ్యాంకులు ఇందులో పాల్గొని కేంద్ర‌, రాష్ట్ర ప్ర‌భుత్వాల ప్రాయోజిత ప‌థ‌కాల కింద ల‌బ్దిదారుల‌కు అవ‌స‌ర‌మైన రుణాల‌ను మంజూరు

చేస్తాయ‌న్నారు. కేంద్ర ప‌థ‌కాలైన పిఎంఎంవై, ఎస్‌.యు.ఐ., పి.ఎం.ఇ.జి.పి., పి.ఎం.స్వ‌నిధి తో పాటు రాష్ట్ర ప్ర‌భుత్వ ప‌థ‌కాలైన జ‌గ‌న‌న్న తోడు, వై.ఎస్‌.ఆర్‌.చేయూత వంటి ప‌థ‌కాల ల‌బ్దిదారుల‌కు రుణాలు అందిస్తామ‌న్నారు. వివిధ బ్యాంకుల ఉన్న‌తాధికారులు, జిల్లాలోని ప‌లు శాఖ‌ల అధికారులు ఈ రుణ‌మేళాలో

పాల్గొంటార‌ని వెల్ల‌డించారు.

బ్యాంకు ఖాతాదారులు, ఔత్సాహికులు రుణ‌మేళాను సంద‌ర్శించి త‌మ‌కు అనువైన ప‌థ‌కాల కింద రుణాలు పొంద‌వ‌చ్చ‌ని పేర్కొన్నారు. ఆర్ధిక అక్ష‌రాస్య‌త‌, డిజిట‌ల్ ఉత్ప‌త్తులు, రుణ ప‌థ‌కాల‌కు సంబంధించిన ప‌లు స్టాల్స్ కూడా ఏర్పాటు చేస్తున్న‌ట్టు

వివ‌రించారు.