*(DNS Report : Sairam. CVS, Bureau Chief, Vizag)*

*విశాఖపట్నం, అక్టోబర్ 30,  2021 (డిఎన్ఎస్):* అత్యంత పవిత్రమైన భారత దేశానికి రావాల్సిందిగా క్రైస్తవ మత గురువు పోప్‌ ఫ్రాన్సిస్‌ ను భారత ప్రధాని నరేంద్ర మోడీ ఆహ్వానించారు. ప్రస్తుతం ఇటలీ పర్యటనలో ఉన్న నరేంద్ర మోడీ, శనివారం వాటికన్ నగరం లో క్రైస్తవ మత గురువు పోప్‌ ఫ్రాన్సిస్‌ తో

సమావేశమయ్యారు. 

రెండు విభిన్న ఆధ్యాత్మిక సంప్రదాయపరులైన వీరిద్దరి కలయిక ఎంతో హుందాగా సాగింది.  భారత ప్రధాని మోడీ పొప్ ను కలవడం ఇదే తొలిసారి. వాతావరణ మార్పు, దారిద్య్ర  నిర్మూలన అంశాలపై ఇద్దరూ చర్చించినట్లు తెలుస్తోంది. 2013 తరవాత భారత ప్రధాని పోప్‌ను కలవడం ఇదే మొదటిసారి. భారత్‌ పర్యటించాల్సిందిగా ఈ

సందర్భంగా పోప్‌ను మోడీ ఆహ్వానించారు. 1999లో అటల్‌ బీహారి వాజ్‌పేయి ప్రధానిగా ఉన్న సమయంలో పోప్‌ భారత్‌ను సందర్శించారు.