*(DNS Report : Sairam CVS, Bureau Chief,  Visakhapatnam)*

*విశాఖపట్నం, మార్చి 18, 2022 (డిఎన్ఎస్):* విశాఖ నగర శివారు ప్రాంతమైన కొమ్మాది అన్నంరాజు నగర్ లో వేంచేసి యున్న శ్రీ అష్ట లక్ష్మీ సమేత శ్రీ లక్ష్మీ నారాయణ స్వామి ఆలయంలో ఫాల్గుణ ఉత్తర నక్షత్రం పురస్కరించుకుని శ్రీమహాలక్ష్మి అమ్మవారి తిరునక్షత్ర వేడుకలు ఘనంగా జరిగాయి. ఉత్తర నక్షత్రం

రోజున పాలకడలి నుంచి అమ్మవారు ఆవిర్భవించిన సందర్భాన్ని పురస్కరించుకుని, వేకువజామున సుప్రభాత సేవతో వేడుకలను ప్రారంభించారు. దీనికి తోడు అమ్మవారికి అత్యంత ప్రీతిపాత్రమైన శుక్రవారం నాడు, అమ్మవారి తిరునక్షత్రం తో పాటు పౌర్ణమి కూడా కావడంతో బ్రాహ్మీ ముహూర్త సమయంలో శ్రీ అష్ట లక్ష్మీ హోమం తదుపరి శ్రీ లక్ష్మీ నారాయణ

స్వామి వారికి విశేషంగా పంచామృతాలతో అభిషేకం నిర్వహించారు.

సాయంత్రం స్త్రీ లచే సామూహిక కుంకుమార్చన, మహాలక్ష్మి అమ్మవారిని ఒకే సింహాసనం పై ఉంచి సహస్ర దీపాలంకరణ సేవ,మరియు సువాసన విరాజిల్లుతున్న వివిధ పుష్పాలతో పుష్పాబిషేకం,విశేష హారతులు జరిగాయి. ఆలయ ప్రధాన అర్చకులు చామర్తి శ్రీధర్ స్వామి మాట్లాడుతూ శ్రీ

ప్లవ నామ సంవత్సరం ఆఖరి మాసం చివరి పౌర్ణమి శుక్రవారం సందర్భంగా భక్తులు అధిక సంఖ్యలో వచ్చి పాల్గొన్నారని తెలిపారు.