*మహారాష్ట్ర వేదికగా ఊపందుకున్న హిందూ ఉద్యమం* 

*(DNS Report : Sairam CVS, Bureau Chief, Visakhapatnam)*

*విశాఖపట్నం, ఏప్రిల్ 20 , 2022 (డిఎన్ఎస్):* మహారాష్ట్ర లో హిందూ ఉద్యమం ఊపు అందుకుంటోంది. సెక్యూలర్ పేరుతో ఓటు బ్యాంకు రాజకీయాలు చేస్తూ హిందువులను ద్వితీయ శ్రేణి పౌరులుగా లెక్క కడుతున్న ప్రభుత్వాల పై హిందువుల్లో ఆగ్రహం

పెరుగుతోంది. దీనికి తార్కాణంగానే మహారాష్ట్రలో ఉద్యమానికి శ్రీకారం పడింది.  

మే 3 నాటికి మహారాష్ట్ర వ్యాప్తంగా అన్ని మసీదులపై ఉన్న లౌడ్ స్పికర్లను తొలగించాలని మహారాష్ట్ర నవ నిర్మాణ్ సేన మహారాష్ట్ర ప్రభుత్వానికి అల్టిమేటం జారీ చేసింది. మే 3 న హిందువులు అత్యంత వేడుకగా జరుపుకునే అక్షయ తృతీయ పర్వదినోత్సవం

అని, ఆ రోజుకు మహారాష్ట్రలోని అన్ని మసీదులపై లౌడ్ స్పీకర్లను తొలగించాలని హెచ్చరించింది. ఆ రోజు న  మహారాష్ట్ర అంతటా లౌడ్ స్పీకర్లను ఉపయోగించి రాష్ట్రాల మహా హారతి నిర్వహించనుంది. రాష్ట్ర వ్యాప్తంగా అన్ని దేవాలయాల్లోనూ హనుమాన్ చాలీసా సహా అన్ని హిందూ ప్రార్థనలను వినిపిస్తామని ఆ పార్టీ నాయకుడు నితిన్ సర్దేశాయ్

తెలియచేస్తారు.  

హిందూ సంప్రదాయాలకు తూట్లు పొడుస్తూ మసీదులు ఉన్న ప్రాంతాల్లో 100 మీటర్ల లోపు 
 హిందూ ప్రార్ధనలు చెయ్యకూడదు అంటూ ఆదేశాలు జారీచేయడం పై రాజ్ థాక్రే అగ్గిమీద గుగ్గిలం అయ్యేరు. దీంతో మహారాష్ట్ర ప్రభుత్వం తీసుకున్న నిర్ణయం ను ఖండిస్తూ అల్టిమేటం జారీచేశారు.

  

ఉత్తరప్రదేశ్‌లోని అయోధ్య పర్యటనకు సంబంధించి రాజ్ థాకరే మంగళవారం ముంబై, థానే, నాసిక్ మరియు ఇతర డివిజన్ల నాయకులతో సమావేశం నిర్వహించారు. దీనిలో మే 1 న ఔరంగాబాద్‌లో జరగనున్న పార్టీ సమావేశం మరియు జూన్‌లో రాబోయే అయోధ్య పర్యటన వంటి అంశాలపై వ్యూహం సిద్ధం చేసినట్టు తెలుస్తోంది. 

ఇంతకు ముందు

అయోధ్యను సందర్శించామని, పెద్ద సంఖ్యలో ఆఫీస్ బేరర్లు వస్తే ఏం జరుగుతుందో చూశామని ఠాక్రే మీడియా ప్రతినిధులతో అన్నారు.

మసీదుల నుంచి లౌడ్ స్పీకర్లను తొలగించాలని మే 3న అల్టిమేటం, “3వ తేదీ నేపథ్యంలో మంత్రుల సమావేశం నిర్వహిస్తారు. వాళ్లు ఏం నిర్ణయం తీసుకుంటారో చూద్దాం. ప్రభుత్వ నిబంధనలు వచ్చే వరకు మాట్లాడడం

సరికాదు, తర్వాత మాట్లాడుకుందాం” అని అన్నారు.

దేశంలోని ముస్లింలు చట్టం మరియు దేశానికి అతీతం కాదు అని అర్థం చేసుకోవాలని థాకరే అన్నారు, అదే సమయంలో మసీదుల నుండి లౌడ్‌స్పీకర్‌లను తీసివేయమని కూడా కోరారు. 

“మాకు మహారాష్ట్రలో అల్లర్లు అక్కర్లేదు. ఎవరి మత ప్రార్థనలు వారు చేయడాన్ని ఎవరూ

వ్యతిరేకించలేదని, మసీదుల్లో ఏర్పాటు చేసిన లౌడ్‌స్పీకర్‌లను రద్దు చేయాలని కోరుతున్నామన్నారు. మీరు లౌడ్‌స్పీకర్‌లో చేస్తే, మేము దాని కోసం లౌడ్‌స్పీకర్‌లను కూడా ఉపయోగిస్తాము. చట్టం కంటే మతం పెద్దది కాదని ముస్లింలు అర్థం చేసుకోవాలి. మే 3 తర్వాత ఏం చేయాలో చూస్తాను' అని థాకరే అన్నారు.

మే 3 వరకు వేచి

ఉండండి అని హిందువులకు రాజ్ థాకరే సూచించారు. లౌడ్ స్పీకర్లు తొలగించని మసీదుల ముందు హనుమాన్ చాలీసాను ప్లే చేయాలని కోరారు.

దీనికి సంబంధించి పార్టీ ప్రతినిధులు ముంబయి పోలీస్ కమిషనర్ కు వినతి పత్రం కూడా సమర్పించారు.