*(DNS Report : P Raja, Bureau Chief, Amaravati)*

*అమరావతి, ఏప్రిల్ 27, 2022 (డిఎన్ఎస్):* రెండు కళ్లు లేని జ్ఞానేత్రురాలైన ఓ బాలికను పదవ తరగతి పబ్లిక్ పరీక్షలు వ్రాసేందుకు అధికారులు అనుమతి నిరాకరించడం తో కన్నీటి పర్యంతం అయ్యింది. వివరాల్లోకి వెళితే. నంద్యాల జిల్లా కేంద్రంలోని నూనెపల్లె సాయిబాబా నగర్ కు చెందిన మల్లారి ద్రాక్షయని అనే

అంద బాలిక పదవ తరగతి పబ్లిక్ పరీక్షలను వ్రాసేందుకు గుడ్ షెఫర్డ్ స్కూల్ పరీక్ష కేంద్రానికి వెళ్ళింది. ఈ విద్యార్థినికి స్క్రైబర్ ద్వారా పరీక్ష రాసే వెసులుబాటు ఉంది. అయితే  విద్యాశాఖ, పరీక్షల విభాగానికి చెందిన అధికారులు అంధ విద్యార్థిని ని పరీక్ష రాసేందుకు అనుమతి నిరాకరించడంతో ఒక్కసారిగా డీలా పడిపోయింది. ఎంత

ప్రాధేయపడినా ఎంత మొరపెట్టుకున్నా కనికరించడం లేదని అంద బాలిక యొక్క బంధువులు ఆవేదన వ్యక్తం చేశారు. 

పదవ తరగతి పరీక్షలు రాసే అంద విద్యార్థినీ విద్యార్థులు తొమ్మిదవ తరగతి విద్యార్థులతో తను ఆన్సర్ లు చెపుతూ పరీక్షలు రాయించుకునే వెసలుబాటు ఉన్నది.

అయితే ఎక్కడ లోపం ఏర్పడిందో గాని రెండు కళ్ళు లేని

బాలిక యొక్క పదవ తరగతి పబ్లిక్ పరీక్ష రాయాల్సిన మొదటి రోజే  ఆశనిపాతంల శరాఘాతం ఎదురయ్యింది.

అంధ బాలిక మానసిక ఆవేదన రోదన వర్ణనాతీతంగా మారడం తో పరీక్షా కేంద్రం వద్ద ఉన్నటువంటి పలువురు హృదయాలను కలచి వేసింది.