*(DNS రిపోర్ట్: సాయిరాం CVS,  బ్యూరో చీఫ్, విశాఖపట్నం)*  

*విశాఖపట్నం, మే 29, 2022 (డిఎన్ఎస్):*  ఈ నెల 28 29 తేదీలలో మహారాష్ట్ర లోని ఔరంగాబాద్ లో ఆలిండియా యోగా కల్చర్ ఆధ్వర్యంలో జరిగిన ఆల్ ఇండియా యోగ పోటీలలో చోడవరం పతంజలి యోగ శిక్షణ కేంద్రం విద్యార్థి గొంతిన లయవర్థన్ ప్రధమ స్థానం లో నిలిచి బంగారు పతకం సాధించాడు. యోగా

గురువు పుల్లేటి సతీష్ వద్ద యోగ విద్యనభ్యసిస్తున్న లయవర్థన్ 10 ఏళ్ళ నుండి 15 సంవత్సరాల బాలుర విభాగంలో పాల్గొన్నాడు. అలాగే ఆల్ రౌండర్ యోగా ఛాంపియన్షిప్ పోటీలలో కూడా ప్రథమ స్థానం పొంది యోగా ట్రోఫీని గెలిచినట్టు సతీష్ తెలిపారు. ఈ విద్యార్థిని జిల్లా యోగా సంఘం గౌరవ అధ్యక్షులు యోగాచార్య సాంబశివరావు, వైస్ ప్రెసిడెంట్

ఉమామహేశ్వర రావు, యోగా టీచర్స్ కొట్టాపు హరికిరణ్, బోగవళ్లి గణేష్, యోగా కేంద్రం సభ్యులు అభినందించారు.