*ఈ నీచ ఘటనపై కేసీఆర్ ప్రభుత్వం క్షమాపణ చెప్పాలి: బీజేపీ డిమాండ్*     

*(DNS Report: Sairam CVS, Bureau Chief, Visakhapatnam)*  

*విశాఖపట్నం  భాగ్యనగరం , జులై 03, 2022 (డిఎన్ఎస్):* భారత ప్రధాని నరేంద్ర మోడీ, కేంద్ర హోమ్ శాఖా మంత్రి అమిత్ షా, ఉత్తర ప్రదేశ్ సీఎం యోగి ఆదిత్యనాధ్ లాంటి మహామహులు పాల్గొంటున్న భారతీయ జనతా పార్టీ (బిజెపి)

జాతీయ కార్యవర్గంలోకి సమావేశం ప్రాంగణంలోకి అనుమతి లేకుండా, దొంగతనంగా పొలిసు పాస్ తో చొరబడిన తెలంగాణ ఇంటెలిజెన్స్ అధికారిని పట్టుకున్నట్టు తెలంగాణ బీజేపీ నేతలు ప్రకటించారు. ఆదివారం అందరి  కంటే ముందుగానే హాల్లోకి వచ్చి టేబుళ్ల  పై ఉన్న అజెండా కాయితాలు ఫోటోలు తియ్యడం పై తెలంగాణ ప్రభుత్వం తక్షణం బీజేపీ కి

 క్షమాపణ చెప్పాలని డిమాండ్ చేస్తున్నారు. 

ఆదివారం హైదరాబాద్ ఇంటర్నేషనల్ కన్వెన్షన్ సెంటర్  ( హెచ్ఐ సిసి ) లో జరిగిన సమావేశంలో శ్రీనివాస రావు అనే ఇంటెలిజెన్స్ ఇన్‌స్పెక్టర్ ను పట్టుకున్నట్టు తెలంగాణ బీజేపీ నేత ఇంద్రసేనా రెడ్డి తెలిపారు. ఈ సమావేశ మందిరంలోకి వెళ్లేందుకు పోలీసు అధికారులకు ఎలాంటి

అనుమతి లేదని బీజేపీ నేత తెలిపారు.  

రెండో రోజు ఆదివారం కార్యక్రమాలు ప్రారంభానికి ముందు ఈ ఘటన చోటుచేసుకుంది. ఆ సమావేశ మందిరంలో టేబుళ్లపై ఉంచిన ముసాయిదా తీర్మానాలను ఫొటోలు తీస్తుండగా అధికారి పట్టుబడ్డారని విలేకరులకు తెలిపారు.
 
అతన్ని పోలీసు కమిషనర్‌కు అప్పగించామని, అతను తన మొబైల్ ఫోన్‌లో తీసిన

ఫోటోలను తొలగించామన్నారు. అయితే ఆ ఫోటోలను సోషల్ మీడియా ద్వారా బయటకు పంపాడా లేదా అనేది తెలియాలన్నారు. 

ఈ ఘటనపై తెలంగాణ ప్రభుత్వం స్పష్టత ఇవ్వాలని, క్షమాపణ చెప్పాలని రెడ్డి డిమాండ్ చేశారు.

“ప్రతి ఒక్కరికీ అతని/ఆమె గోప్యత ఉంటుంది. ఇది మా గోప్యతను ఉల్లంఘించడమే' అని ఆయన అన్నారు.
 
/> హైదరాబాద్‌లో జరిగిన జాతీయ కార్యవర్గం తీరును జీర్ణించుకోలేక తెలంగాణ రాష్ట్ర సమితి (టీఆర్‌ఎస్) ప్రభుత్వం అంతర్గత చర్చలను లీక్ చేసి కాషాయ పార్టీని బద్నాం చేసే ప్రయత్నం చేసిందని బీజేపీ నేత ఆరోపించారు.

ఈ హాల్లోకి ఎవరు చెబితే ప్రవేశించాడు, లేదా తానే సొంతంగానే ఓవర్ ఆక్షన్ చేసేందుకు ప్రవేశించడం అనేది

తెలియాల్సి యుంది. 

ఇప్పడికే బీజేపీ, తెలంగాణ రాష్ట్ర సమితి పార్టీల మధ్య విభేదాలు పూర్తి స్థాయిలో ఉన్నాయి. ఇప్పుడు తెలంగాణ పోలీస్ బీజేపీ జాతీయ కార్యక్రమాల్లోకి హాల్లోకి అనుమతి లేకుండా ప్రవేశించడమే కాక, వాళ్ళ అంతర్గత మీటింగ్ లోని ఎజెండా పాత్రలను ఫోటోలు తియ్యదనాన్ని బీజేపీ అత్యంత సీరియస్ గా

తీసుకున్నట్టు తెలుస్తోంది.